Ein Cenhadaeth Ddinesig

Mae Coleg Gŵyr Abertawe yn ymrwymedig i wneud gwahaniaeth gadarnhaol a pharhaol i gymunedau, economi, diwylliant ac amgylchedd de-orllewin a chanolbarth Cymru.

Fel coleg rhanbarthol mawr, mae ein cenhadaeth ddinesig yn ymwneud â defnyddio ein gwybodaeth, ein harbenigedd, ein cyfleusterau, ein rhwydweithiau a’n dylanwad i weithio gydag eraill i fynd i’r afael â’r cyfleoedd a’r heriau sy’n wynebu ein cymunedau. Mae’n ymwneud â sicrhau bod addysg nid yn unig yn llwybr i gyflawniad unigol, ond yn rym pwerus ar gyfer twf cynhwysol, symudedd cymdeithasol, cyfle a lles cymunedol.

Mewn undeb mae nerth, rydym yn credu hynny yn gryf. Byddwn yn adeiladu partneriaethau cryf a phwrpasol gyda phrifysgolion, ysgolion, cyflogwyr, gwasanaethau cyhoeddus, sefydliadau cymunedol a phartneriaid rhanbarthol eraill, gan ddod â’n cryfderau ar y cyd at ei gilydd i fynd i’r afael â heriau na all unrhyw sefydliad eu datrys ar ei ben ei hun.

Bydd ein Cenhadaeth Ddinesig yn canolbwyntio ar y canlynol:

Gwrando ar ein cymunedau

Gwrando ar ein cymunedau ac ymateb i flaenoriaethau a heriau sy’n bwysicaf i’r bobl a’r lleoedd rydym yn eu gwasanaethu.

Creu cyfle i bawb

Creu cyfle i bawb, gan ehangu cyfranogiad a gweithio i ddileu rhwystrau i bobl a chymunedau sydd dan anfantais.

Cefnogi twf economaidd cynhwysol

Cefnogi twf economaidd cynhwysol, gan ddatblygu’r sgiliau, y dalent a’r arloesedd sydd eu hangen ar gyfer economi ranbarthol ffyniannus a chynaliadwy.

Cryfhau cymunedau

Cryfhau cymunedau, gan gyfrannu at symudedd cymdeithasol, lles, gwydnwch ac ymdeimlad cryf o berthyn.

Dathlu a chryfhau hunaniaeth ddiwylliannol ein rhanbarth

Dathlu a chryfhau hunaniaeth ddiwylliannol ein rhanbarth, gan gynnwys yr iaith Gymraeg, treftadaeth a chreadigrwydd sy’n gwneud ein cymunedau yn arbennig.

Cefnogi cynaliadwyedd amgylcheddol

Cefnogi cynaliadwyedd amgylcheddol, gan weithio ar y cyd i helpu i greu cymunedau gwyrddach, iachach a mwy gwydn.

Rhannu gwybodaeth, arbenigedd ac arferion effeithiol

Rhannu gwybodaeth, arbenigedd ac arferion effeithiol, gan wneud y gorau o’n hadnoddau ar y cyd ac osgoi unrhyw ddyblygu dianghenraid.

Rhoi cydweithredu ar waith

Rhoi cydweithredu ar waith, gan ddatblygu prosiectau a mentrau sydd â buddion clir, mesuradwy a pharhaol i’n cymunedau.

Ein cryfder unigryw yw ehangder a dyfnder ein cysylltiadau. Rydym yn cysylltu â dysgwyr o bob oedran, ysgolion, cyflogwyr, sefydliadau cymunedol a phartneriaid ledled y rhanbarth bob dydd. Mae hyn yn rhoi rôl unigryw i ni wrth gysylltu uchelgeisiau rhanbarthol â’r bobl, y cymunedau, y diwydiannau a’r lleoedd rydym yn eu gwasanaethu.