Cerddoriaeth, y Cyfryngau a Pherfformio
Mae gan y Coleg gysylltiadau ardderchog â cholegau arbenigol. Rydym yn ganolfan clyweliadau rhanbarthol ar gyfer LAMDA, Academi Mountview a Theatr Genedlaethol Ieuenctid.
Adran gerddoriaeth y Coleg yw’r un fwyaf yng Nghymru ac rydym yn rhedeg amrywiaeth o ensembles gan gynnwys côr, cerddorfa a band jazz.
Ar Gampws Llwyn y Bryn mae dwy stiwdio recordio llawn cyfarpar, nifer o ystafelloedd ymarfer cerddoriaeth a lle perfformio ar lwyfan.
Llwybrau gyrfa
- Perfformiwr (actor, dawnsiwr, canwr)
- Cerddor proffesiynol
- Coreograffydd
- Cyfansoddwr
- Athro/Athrawes
- Cynhyrchydd
- Rheolwr llwyfan
- Cynllunydd gwisgoedd
- Peiriannydd sain
Sicrhau eich dyfodol
Mae gennym y cyfleoedd dilyniant canlynol yn y Coleg:
- Diploma Proffesiynol Lefel 4 mewn Perfformio
Ar y cwrs hwn gallwch ddewis arbenigo mewn actio neu theatr gerdd.
Fel arall, gallech chi symud ymlaen i’r brifysgol neu gael cyflogaeth yn y diwydiant.
Gweld ein cyrsiau Celfyddydau Perfformio, Cynhyrchu a Cherddoriaeth
Safon Uwch Cerddoriaeth
Lefel 3 A Level
Safon Uwch Dawns
Lefel 3 A Level
Safon Uwch Drama
Lefel 3 A Level
Safon Uwch Technoleg Cerdd
Lefel 3 A Level
Y Celfyddydau Perfformio Lefel 2 - Diploma
Lefel 2 UAL
Newyddion
Myfyriwr y Flwyddyn y Celfyddydau Creadigol - Penelope George
Mae brwdfrydedd Penelope dros gerddoriaeth a drama wedi bod yn eithriadol, mae ganddi ethig gwaith â ffocws pendant iawn, ac mae wedi ennill y graddau gorau posibl. Mae hi wedi bod yn ysgolhaig corawl gyda Chôr Ffilharmonig Abertawe ac mae hi hefyd yn aelod ymroddedig o Gôr Cenedlaethol Ieuenctid Cymru.
Mae hi’n unawdydd profiadol ac wedi elwa’n aruthrol ar ei chysylltiad â LARS (Loud Applause Rising Stars) sy’n darparu sawl llwyfan perfformio ar gyfer talentau newydd ledled De Cymru.
Enillodd Penelope y gystadleuaeth Unawd yn Eisteddfod Sir yr Urdd a chynrychiolodd y Coleg yn yr Eisteddfod Genedlaethol. Nid yw’n syndod iddi gael cynnig diamod gan Goleg Brenhinol Cerdd a Drama Cymru ar ysgoloriaeth lawn.
Cyn-fyfyriwr yn dychwelyd i ysbrydoli pobl ifanc greadigol
Dychwelodd wyneb cyfarwydd i Gampws Gorseinon Coleg Gŵyr Abertawe yn ddiweddar wrth i’r cyn-fyfyriwr Billie-Jo Matthews gamu i’r adwy i helpu i ysbrydoli’r genhedlaeth nesaf o bobl ifanc greadigol.
Cwblhaodd Billie-Jo gwrs BTEC Estynedig Lefel 3 yn y Cyfryngau Creadigol yng Ngholeg Gŵyr Abertawe cyn symud ymlaen i Brifysgol Abertawe i ddilyn BA (Anrh) yn y Cyfryngau a Chyfathrebu, ac yna MSc mewn Marchnata Strategol.
Mae hi hefyd wedi gweithio yn y sectorau marchnata creadigol a chyfryngau cymdeithasol, gyda chwmnïau technoleg mawr ac fel gweithiwr llawrydd.
Drwy gydol y cyfnod hwnnw, roedd Billie-Jo wedi cadw mewn cysylltiad â’i darlithwyr a phan soniodd Arweinydd Cwricwlwm y Cyfryngau Creadigol, Jarrod Waldie, am rai cyfleoedd llawrydd yn y Coleg, roedd Billie-Jo yn falch iawn o gymryd rhan.