Rydyn ni’n cynnig y gwasanaethau canlynol i hwyluso’r broses o ddefnyddio Adnoddau Llyfrgell a’u gwneud yn fwy hygyrch i bawb:
Darllenwyr sgrin
- Darllenwyr sefydlog a symudol
- Chwyddo ac uwcholeuo testun
- Newid lliw a disgleirdeb tudalennau
Ar gael yn y llyfrgelloedd canlynol: Tycoch, Gorseinon a Llwyn y Bryn
Troshaen sgriniau a phapur lliw
- Gallwch fenthyg troshaenau sgrin lliw i'w defnyddio ar gyfrifiaduron personol a gliniaduron y llyfrgell
- Gallwch hefyd fenthyg papur lliw ar gyfer ysgrifennu ac argraffu.
Ar gael yn y llyfrgelloedd canlynol: Tycoch, Gorseinon a Chanolfan y Brifysgol
Desgiau y gellir addasu eu huchder
- Mae Desgiau y gellir addasu eu huchder yn addas ar gyfer defnyddwyr cadeiriau olwyn neu unigolion sy’n dymuno sefyll ar eu traed wrth ddefnyddio cyfrifiadur.
- Gwasgwch fotwm i addasu uchder y ddesg.
Ar gael yn y llyfrgelloedd canlynol: Tycoch, Gorseinon a Chanolfan y Brifysgol.
Mynediad trwy ddefnyddio lifftiau a rampiau
- Gallwch gyrraedd y llyfrgell trwy ddefnyddio lifft: Tycoch, Gorseinon a Chanolfan y Brifysgol.
Mae ramp ar gael hefyd ar lawr gwaelod Llyfrgell Gorseinon.
eLyfrau ac eGyfnodolion
- Ewch i’r Llyfrgell Ar-lein i gael mynediad at eLyfrau ac eGyfnodolion.
- Mae gan lyfrau a chyfnodolion ar-lein feddalwedd sy'n eich galluogi i newid maint y ffont a lliw'r dudalen.
Ar gael ym mhob llyfrgell.
Cymorth un-i-un
- Gallwch gael cymorth personol, ar-lein a thros y ffôn gan staff y llyfrgell.
- Mae cymorth ychwanegol i ddysgwyr awtistig diolch i’n Mentoriaid sydd wedi’u hyfforddi mewn Awtistiaeth.
Llyfrau addas ar gyfer pob lefel darllen
- Mae gennym lyfrau addas ar gyfer darllenwyr o bob lefel a gellir eu cyrchu yn ardal @YParc yn Llyfrgell Tycoch.
- Mae llyfrau i helpu gyda sgiliau iaith Saesneg a mathemateg hefyd ar gael.
Ardaloedd tawel
- Gall myfyrwyr niwroamrywiol gael mynediad i'r Ystafell Egwyl yn Llyfrgell Tycoch pan fo angen saib arnynt.
- Mae gan y llyfrgelloedd hefyd ardaloedd tawel lle gallwch weithio heb unrhyw sŵn diangen.
Ar gael ym mhob llyfrgell.
Anfon llyfrau i gampysau eraill
- Mewngofnodwch i adnodd Chwilio y Llyfrgell i wneud cais i symud llyfrau i’r campws lle rydych chi wedi’ch lleoli.
Cymorth ESOL
- Mae staff Llwyn y Bryn yn brofiadol iawn o ran cefnogi myfyrwyr Saesneg i Siaradwyr Ieithoedd Eraill (ESOL).