Newyddion y Coleg

Tîm Buddugol Coleg Gŵyr Abertawe yn mynd i ‘Oscars’ y Proffesiwn Addysgu

Bydd tîm e-Chwaraeon Coleg Gŵyr Abertawe yn mynd i Lundain cyn bo hir ar gyfer ‘Oscars’ y proffesiwn addysgu.

Cyn-fyfyrwyr yn chwarae rôl allweddol yng ngwaith ailddatblygu Gorseinon

Mae nifer o gyn-fyfyrwyr yn dychwelyd i Goleg Gŵyr Abertawe yn nes ymlaen yn eu bywydau. Mae rhai yn cofrestru ar ddosbarthiadau nos rhan-amser i ailhyfforddi neu ddechrau hobi newydd, tra bod eraill yn canfod eu hunain yn cerdded trwy’r drws fel rhieni yn edrych i gofrestru eu plant ar gyrsiau amser llawn.  

Cyn-fyfyriwr yn ysbrydoli’r genhedlaeth nesaf o actorion

Fel rhan o weithgareddau Menter parhaus y Coleg, roeddem yn falch dros ben o groesawu’r cyn-fyfyriwr Lucy Quick yn ôl i arwain dosbarth meistr a sesiwn holi ac ateb gyda’n dysgwyr presennol ar Gampws Gorseinon.

Ers astudio cwrs Safon Uwch Drama yn y Coleg, mae gyrfa Lucy wedi ffynnu. Yn wreiddiol, fe wnaeth hi hyfforddi ym maes Theatr Gerdd, a gweithio ar sawl cynhyrchiad yn y West End, cyn dechrau ei busnes ei hun – Perform – lle mae hi bellach yn Bennaeth.

Coleg Gŵyr Abertawe yn Ennill Statws Canmoliaeth Beacon

Mae Coleg Gŵyr Abertawe wedi ennill Statws Canmoliaeth Beacon yng Ngwobrau Beacon Cymdeithas y Colegau 2025/26, sy’n dathlu rhagoriaeth ac arloesedd ar draws addysg bellach yn y DU.

Mae’r Coleg wedi cael ei gydnabod am ei Strategaeth Iechyd Meddwl a Lles sy’n arwain y sector, ac sydd wedi cael effaith fesuradwy ar ddysgwyr a staff. Ers 2019, mae’r tîm Lles wedi tyfu o wyth arbenigwr i 28, sy’n golygu felly bod lles yn flaenoriaeth strwythurol. Mae cyfranogiad dysgwyr wedi codi o 3,158 i 9,530, ac mae cyfranogiad staff wedi cynyddu 304%.

Myfyriwr celf yn rhoi golwg lliwgar newydd i uned y plant

Mae artistiaid uchelgeisiol wedi bod yn gwella eu sgiliau drwy adnewyddu uned blant newydd yn Ysbyty Treforys.

Mae myfyrwyr yng Ngholeg Gŵyr Abertawe wedi rhoi eu dychymyg a'u creadigrwydd ar brawf trwy roi golwg newydd i'r Uned Argyfwng Plant (UAP) gyda dyluniadau penodol ar gyfer rhai rhannau o'r adran.

Fel rhan o'r prosiect, mae myfyrwyr celf Safon Uwch wedi gallu ei ddefnyddio fel rhan allweddol o'u cymhwyster Bagloriaeth Sgiliau Uwch Cymru.

Coleg Gŵyr Abertawe yn ennill yng Ngwobrau STEM Cymru 2025

Mae Coleg Gŵyr Abertawe wedi cael ei gydnabod am ei gyfraniad at faes Gwyddoniaeth, Technoleg, Peirianneg a Mathemateg (STEM) yng Nghymru, gan gipio gwobr Rhaglen Addysgol y Flwyddyn (Sector Cyhoeddus).

Cyhoeddwyd enillwyr Gwobrau STEM Cymru 2025 mewn seremoni wobrwyo fawreddog dan ofal y ddarlledwraig Lucy Owen. Cynhaliwyd y digwyddiad yng Ngwesty Mercure Holland House, Caerdydd, i ddathlu cyflawniadau rhagorol ar draws STEM, gan gydnabod yr unigolion a’r sefydliadau blaengar sy’n llywio arloesedd ac yn gwneud cyfraniadau sylweddol i’r sector yng Nghymru.

Gwobr newydd-ddyfodiad gorau i Tom

Mae aelod o staff Coleg Gŵyr Abertawe wedi ennill gwobr gan y Sefydliad Rheoli Gweithleoedd a Chyfleusterau (IWFM).

Cipiodd Thomas Maddock, sydd yn Rheolwr Ystadau yn y Coleg, Wobr Newydd-ddyfodiad y Flwyddyn mewn seremoni ddisglair a gynhaliwyd yn Llundain dan ofal Gabby Logan MBE.

IWFM yw’r corff proffesiynol ar gyfer ymarferwyr gweithleoedd a chyfleusterau.

Coleg yn croesawu ffagl Tîm Cymru i Gampws Tycoch

Mae Coleg Gŵyr Abertawe wedi croesawu ffagl Tîm Cymru i Gampws Tycoch, gan nodi carreg filltir allweddol ar ei thaith ar draws Cymru cyn Rowndiau Terfynol Cenedlaethol WorldSkills UK eleni.

Mae ras gyfnewid y ffagl yn creu cyffro cyn y Rowndiau Terfynol Cenedlaethol - a gynhelir yng Nghymru am y tro cyntaf erioed ar 26-28 Tachwedd - ac yn taflu goleuni ar y ffordd i WorldSkills Shanghai 2026, sy’n cael eu galw yn ‘Gemau Olympaidd Sgiliau’ ledled y byd.

Myfyrwyr yn cymryd y camau cyntaf tuag at y prifysgolion gorau

Cafodd cannoedd o ddysgwyr ifanc eu gwahodd i lansiad Hyb Seren Abertawe 2025/26 yn ddiweddar, lle roeddent yn gallu dysgu rhagor am y sgiliau sydd eu hangen i wneud cais i un o’r prifysgolion gorau yn y DU.

Dan arweiniad Coleg Gŵyr Abertawe a Phrifysgol Abertawe, cafodd y digwyddiad ei gynnal ar Gampws y Bae y Brifysgol. Fe’i mynychwyd gan dros 300 o fyfyrwyr o’r Coleg ac ysgolion chweched dosbarth lleol, a daeth llawer ohonynt â’u rhieni a’u gwarcheidwaid.

Coleg Gŵyr Abertawe yn dathlu llwyddiant dysgwyr CIH

Daeth dysgwyr ledled De Cymru ynghyd yn ddiweddar mewn digwyddiad arbennig a gynhaliwyd yn Ysgol Fusnes Plas Sgeti. Roedd y digwyddiad yn gyfle i gydnabod myfyrwyr sydd wedi cwblhau cymhwyster CIH achrededig Coleg Gŵyr Abertawe mewn Gosod a Rheoli Eiddo Preswyl.