Cymorth Cyntaf Brys yn y Gwaith (Highfield) Lefel 3 - Dyfarniad
Trosolwg
Nod Cymorth Cyntaf yn y Gwaith yw helpu dysgwyr i fod yn swyddogion cymorth cyntaf yn y gwaith. Mae cynnwys y cymhwyster yn bodloni gofynion Yr Awdurdod Gweithredol Iechyd a Diogelwch (HSE), ac Awdurdod Gweithredol Iechyd a Diogelwch Gogledd Iwerddon (HSENI) ar gyfer hyfforddi swyddogion cymorth cyntaf brys mewn sefydliadau sydd wedi nodi bod angen i staff gael eu hyfforddi i’r lefel hon o fewn eu hasesiad anghenion cymorth cyntaf.
Mae’r cymhwyster yn cynnwys gwybodaeth megis rolau a chyfrifoldebau’r swyddog cymorth cyntaf a sut i asesu digwyddiad. Mae hefyd yn cynnwys sgiliau cymorth cyntaf mewn adfywio cardio-pwlmonaidd (CPR) a’r defnydd o ddiffibriliwr allanol awtomatig (AED), rhoi cymorth cyntaf i rywun sy’n tagu a delio â gwaedu allanol a sioc hypofolemig, a sut i roi cymorth cyntaf ar gyfer mân anafiadau.
Yn unol â’r canllawiau a ddarparwyd gan HSE, mae’r cymhwyster yn cefnogi/cymeradwyo swyddogion cymorth cyntaf brys yn y gwaith am gyfnod o dair blynedd, ac wedi hynny bydd angen i ddysgwyr ddilyn y cwrs eto. Felly, mae’r cymhwyster yn ddilys am dair blynedd o ddyddiad y dyfarniad. Yn ogystal â hyn, argymhellir bod dysgwyr yn diweddaru eu gwybodaeth yn flynyddol.
Gwybodaeth allweddol
Rhaid bod dysgwyr yn 14 oed neu hŷn.
I ddilyn y cwrs hwn, rydym yn argymell:
- Eich bod yn gorfforol heini
- Nad oes gennych broblemau cefn
- Nad ydych yn dioddef o unrhyw broblemau anadlu
Uned
- Cymorth cyntaf brys yn y gwaith
Asesu
Asesir y cymhwyster trwy asesiad ymarferol yn ogystal ag asesiad theori dewis lluosog sy’n cael ei farcio gan y ganolfan.
Byddwch yn cwblhau’r asesiad ymarferol drwy gydol y cwrs. Mae’r asesiad parhaus hwn yn gofyn i ddysgwyr ddangos sgiliau cymorth cyntaf ymarferol. Bydd yr asesiad ymarferol yn cael ei recordio gan ddefnyddio’r matrics ymarferol o fewn y pecyn asesu.
Mae’n ofynnol i ddysgwyr basio papur theori dewis lluosog 15 cwestiwn. Gellir cwblhau’r uned ar ddiwedd y cwrs neu ar ôl dysgu’r holl wybodaeth.
Cymorth Cyntaf yn y Gwaith (Highfield) Lefel 3 - Dyfarniad
Mae dyfarniad Highfield Cymorth Cyntaf Brys yn y Gwaith Lefel 3 wedi cael ei ddatblygu ac mae’n rhan o’r Fframwaith Cymwysterau Rheoleiddiedig (RQF). Mae’r RQF yn fframwaith cymwysterau a reoleiddir gan Ofqual a CCEA Regulation. Rheoleiddir y cymhwyster gan Qualifications hefyd.