Safon Uwch Iechyd a Gofal Cymdeithasol a Gofal Plant
Trosolwg
Bydd y cwrs hwn yn rhoi gwybodaeth fanwl, dealltwriaeth a sgiliau i chi sy’n gysylltiedig â datblygiad a gofal unigolion drwy gydol eu hoes. Byddwch yn datblygu dealltwriaeth o ddylanwadau ar dwf, datblygiad, ymddygiad a lles pobl.
Byddwch hefyd yn ennill dealltwriaeth fanwl o anghenion cymdeithasol, corfforol, emosiynol a diwylliannol pobl sy’n defnyddio gwasanaethau gofal a chymorth, ac yn cydnabod bod gan bob unigolyn gymysgedd unigryw o alluoedd ac anghenion.
Byddwch yn ennill dealltwriaeth o sut mae’r ddarpariaeth yng Nghymru yn cefnogi datblygiad a lles unigolion, fel y gallant wneud penderfyniadau gwybodus nawr ac yn ddiweddarach yn eu bywyd.
Mae’r pynciau presennol yn cynnwys:
- Hybu iechyd a lles
- Cefnogi iechyd, lles a gwydnwch
- Safbwyntiau damcaniaethol datblygiad plant a phobl ifanc
- Cefnogi datblygiad, iechyd, lles a gwydnwch plant a phobl ifanc
- Safbwyntiau damcaniaethol ymddygiad oedolion
- Cefnogi oedolion i gynnal iechyd, lles a gwydnwch.
Gwybodaeth allweddol
Saith gradd C neu uwch ar lefel TGAU, gan gynnwys Saesneg Iaith, Mathemateg a Gwyddoniaeth.
Amser llawn dros ddwy flynedd gydag opsiwn cwrs carlam*
Asesu Blwyddyn 1 (Safon UG):
- Asesiad di-arholiad – aseiniad wedi’i osod yn allanol, a’i farcio’n fewnol
- Arholiad allanol.
Asesu Blwyddyn 2 (Safon Uwch):
- Asesiad di-arholiad – wedi’i osod yn allanol, a’i farcio’n fewnol
- Arholiad allanol.
*Opsiwn y cwrs carlam: Astudio’r UG a’r U2 o fewn un flwyddyn academaidd
Meini prawf Ggraddio:
- Arholiadau: 50%
- Aseiniadau: 50%
Astudiaethau pellach yn y brifysgol mewn nyrsio, bydwreigiaeth, gwaith cymdeithasol, gwyddor barafeddygol, gwyddor feddygol, therapi galwedigaethol, therapi iaith a lleferydd, addysgu neu seicoleg, neu ddod o hyd i gyflogaeth mewn gwaith gofal.