Safon Uwch Seicoleg
Trosolwg
Yn y cwrs hwn, byddwch yn archwilio ymddygiad a meddwl unigolion. Byddwch yn datblygu sgiliau gan gynnwys dadansoddi beirniadol, meddwl yn annibynnol ac ymchwil. Archwiliwch ddamcaniaethau seicolegol allweddol a dulliau ymchwil yn drylwyr trwy gynnal trafodaethau dosbarth a gweithgareddau ymarferol. Byddwch yn ennill dealltwriaeth gynhwysfawr o’r prif ddulliau ac astudiaethau ymchwil clasurol mewn Seicoleg.
Meysydd astudio:
- Ymagweddau biolegol, ymddygiadol, seicodeinamig, gwybyddol a chadarnhaol
- Astudiaethau ymchwil clasurol drwy e.e. Bowlby, Raine et al, Loftus a Palmer
- Methodolegau ymchwil a dadansoddi data
- Dadleuon mewn seicoleg
- Esboniadau a thriniaethau o sgitsoffrenia, straen ac ymddygiad troseddol.
Erbyn diwedd y cwrs, bydd gennych sylfaen gadarn ar gyfer astudiaethau pellach mewn seicoleg neu feysydd cysylltiedig, gan hybu eich angerdd am ddeall cymhlethdodau’r meddwl dynol.
Gwybodaeth allweddol
- O leiaf saith gradd A*-C ar lefel TGAU
- Mae graddau B mewn TGAU Saesneg Iaith, Mathemateg a Gwyddoniaeth yn hanfodol.
Asesir y cwrs drwy arholiadau diwedd blwyddyn.
Blwyddyn 1:
- Uned 1 – 20% Gorffennol i Bresennol
- Uned 2 – 20% Defnyddio Cysyniadau Seicolegol.
Blwyddyn 2:
- Uned 3 – 40% Astudio Ymddygiadau
- Uned 4 – 20% Dulliau Ymchwil Gymhwysol.
Mae cwblhau Safon Uwch Seicoleg CBAC yn llwyddiannus yn agor drysau i nifer o gyfleoedd dilyniant gwahanol. Mae seicoleg yn ddefnyddiol ar gyfer gyrfaoedd mewn meddygaeth, cwnsela, nyrsio, addysgu, gwaith cymdeithasol, ymchwil farchnata, adnoddau dynol a llawer mwy.
Dewiswch y cwrs hwn i gael sylfaen gadarn ar gyfer eich dyfodol ym maes rhyfeddol seicoleg yn y brifysgol, ac arbenigo mewn meysydd fel seicoleg glinigol, seicoleg addysgol, neu seicoleg fforensig.