Newyddion y Coleg

Dull cyfunol o ddysgu cyfrifeg

Mae Coleg Gŵyr Abertawe wedi ymuno â Mindful Education i gynnig amrywiaeth o gyrsiau cyfrifeg hyblyg a addysgir trwy gyfuniad o wersi ar-lein a dosbarthiadau ar y campws – perffaith ar gyfer y cyfnod anarferol hwn.

Gan weithio mewn partneriaeth, mae’r Coleg a’r cwmni technoleg addysg yn Llundain yn addysgu cymwysterau AAT (Cymdeithas Technegwyr Cyfrifyddu) o lefelau 2 i 4, cyrsiau sy’n cwmpasu ystod o ddisgyblaethau gan gynnwys cadw cyfrifon, costio, a chyfrifeg rheoli.

Myfyrwyr Coleg Gŵyr Abertawe yn ennill cystadleuaeth Rob Brydon

Mae pedwar myfyriwr o Goleg Gŵyr Abertawe wedi cipio gwobrau yng nghategori dan 18 Cystadleuaeth Portread Cymunedol Creadigol 9to90.

Mae’r gystadleuaeth flynyddol, a drefnwyd gan Jane Simpson o GSArtists, yn rhoi cyfle i’r gymuned ddod ynghyd o bob oedran a gallu ac i arddangos eu gwaith yn yr oriel. Ond eleni, cafwyd arddangosfa rithwir a’r thema oedd actor Rob Brydon, gyda Brydon a’i deulu yn beirniadu’r darnau.

Diweddariad pellach gan y Pennaeth Mark Jones – 9 Chwefror 2021

Yr wythnos diwethaf, cyhoeddodd y Gweinidog Addysg y byddai nifer fach o fyfyrwyr galwedigaethol yn gallu dychwelyd i’r Coleg o ddydd Llun 22 Chwefror ac, fel y gwyddoch gobeithio o’m diweddariad blaenorol, rydym wedi bod yn cynllunio at hyn yn ystod yr wythnosau diwethaf.

Y myfyrwyr a fydd yn cael eu blaenoriaethu ar gyfer dychwelyd fydd y rhai sydd angen gwneud asesiadau i gwblhau eu cymwysterau a chael eu trwydded i ymarfer. 

Gwobrau Santes Dwynwen

Penderfynon ni roi gwobrau am straeon cadarnhaol drwy ofyn i staff a dysgwyr enwebu unigolyn sydd wedi bod yn gyfeillgar, yn gariadus ac wedi dangos ysbryd cymunedol dros y flwyddyn ddiwethaf.

Diweddariad gan y Pennaeth Mark Jones – 3 Chwefror 2021

Hoffwn i roi’r diweddaraf i’n myfyrwyr a rhieni yn dilyn y cyhoeddiad ddydd Gwener diwethaf (29 Ionawr) gan y Prif Weinidog.

Diweddariad pwysig ar ddysgu ac addysgu ar-lein - 29 Ionawr

Yn dilyn y diweddariad heddiw (29 Ionawr) gan y Prif Weinidog, bydd Coleg Gŵyr Abertawe yn parhau i ddarparu cymorth dysgu ac addysgu ar-lein i fyfyrwyr, yn unol â chanllawiau Llywodraeth Cymru.

Cyntaf arall i’r Coleg

Coleg Gŵyr Abertawe yw’r Coleg cyntaf yng Nghymru i gael Gwobr Achrededig gan y Pwyllgor Achredu Awtistiaeth.        

Mewn prosiect dan arweiniad Ceri Low, mae’r Coleg wedi gweithio gyda’r Gymdeithas Awtistiaeth Genedlaethol am y tair blynedd diwethaf. Roedd y broses yn cynnwys asesu a monitro ein gwaith gyda dysgwyr awtistig yn barhaus, a’n cysylltiadau gyda’r gymuned leol a rhanddeiliaid.

Diweddariad gan y Pennaeth Mark Jones – 27 Ionawr 2021

Mae’n debyg bod y cyhoeddiad yr wythnos diwethaf gan y Gweinidog Addysg am y ffordd y bydd asesiadau TGAU a Safon Uwch yn cael eu graddio eleni yn edrych yn debyg iawn i’r rhai a ddefnyddiwyd yn 2020. Unwaith eto, bydd darlithwyr yn pennu graddau yn seiliedig ar eu hasesiad o waith myfyrwyr ond eleni fe’i gelwir yn Raddau a Bennir gan y Ganolfan.

Diweddariad pwysig: graddio arholiadau TGAU, Safon UG a Safon Uwch 2021

Yn ddiweddar (dydd Mercher 20 Ionawr), mae’r Gweinidog Addysg yng Nghymru wedi gwneud cyhoeddiad ynghylch graddio cymwysterau TGAU, Safon UG a Safon Uwch yn 2021.

Fel Coleg rydym nawr yn aros am ragor o fanylion gan y cyrff dyfarnu a byddwn yn cysylltu â’n holl fyfyrwyr maes o law i amlinellu sut y byddwn yn datblygu cynlluniau a phrosesau asesu ar gyfer penderfynu graddau terfynol.

Diweddariad gan y Pennaeth - 13 Ionawr 2021

Siomedig oedd cyhoeddiad y Prif Weinidog ddydd Gwener yn nodi y bydd colegau ac ysgolion yn parhau â dulliau dysgu ar-lein am dair wythnos arall o leiaf (nes Ionawr 29, ac am gyfnod hirach o bosib os na fydd nifer yr achosion positif yn gostwng). Ond, heb os, dyma yw’r penderfyniad cywir er mwyn inni allu helpu i leihau achosion ledled ein cymunedau.

Dyma yr oeddem yn ei ddisgwyl, ac rydym fel Coleg wedi bod yn paratoi ar gyfer sefyllfa o’r fath trwy gydol y tymor cyntaf.

Mae’r camau rydym wedi’u cymryd er mwyn paratoi fel a ganlyn: