Newyddion y Coleg

Cwmni Anrhydeddus Lifrai Cymru yn Anrhydeddu Saith o Brentisiaid Coleg Gŵyr Abertawe

Mae saith prentis o Goleg Gŵyr Abertawe newydd gael eu cydnabod gan Gwmni clodfawr Lifrai Cymru am eu cyflawniadau academaidd a phersonol.

Cafodd y gwobrau eu cyflwyno mewn digwyddiad arbennig a gynhaliwyd ar Gampws Tycoch gan Paul Kift, Pennaeth Coleg Gŵyr Abertawe, y Meistr Henry Gilbert ac Angharad Beynon o Gwmni Anrhydeddus Lifrai Cymru.

Connie yn helpu dysgwyr ac addysgwyr i ddeall arloesedd digidol yn fyd-eang

Mae Connie Henry yn cefnogi dysgwyr ac addysgwyr o amgylch y byd i ddeall a rhoi arloesedd digidol mewn ffyrdd sy’n gweithio iddynt mewn gwirionedd.

Mae ei gwaith fel Ymarferydd Sgiliau Hanfodol Cymru a Mentor Cymheiriaid Digidol yng Ngholeg Gŵyr Abertawe yn effeithio ar bobl yn y coleg a hefyd yn genedlaethol ac yn fyd-eang.

Mae Connie yn un o chwe tiwtor a gaiff eu cydnabod am eu cyfraniad i addysg yn seremoni Gwobrau Ysbrydoli! Tiwtoriaid a gynhelir yn adeilad y Senedd yng Nghaerdydd ar 17 Mawrth.

Ffocws y darlithydd peirianneg blaengar Rabya ar gefnogi ei dysgwyr i ffynnu

Mae ffocws y darlithydd peirianneg blaengar Rabya Kadhim ar ehangu cyfranogiad mewn addysg uwch a chefnogi dysgwyr i gyflawni deilliannau sy’n trawsnewid eu bywydau a’u dyfodol mewn modd cadarnhaol.

Ysgol Aeaf – Ysgol uwchradd Arbrofol Shandong

Braf oedd croesawu disgyblion o Ysgol Uwchradd Arbrofol Shandong i Goleg Gŵyr Abertawe ym mis Chwefror 2026 fel rhan o ymweliad wythnos o hyd. Roedd y myfyrwyr yn hyderus iawn wrth gyfathrebu â staff yn Saesneg, ac fe wnaethon nhw wynebu her ychwanegol trwy gael eu cyflwyno i’r iaith Gymraeg mewn sesiynau cyfeillgar a drefnwyd gan ein tîm Cymraeg. Hefyd, cawsant gyfle i gwrdd â thiwtoriaid Rhydgrawnt i ddatblygu sgiliau meddwl yn feirniadol, gan gryfhau eu gallu i ddatrys problemau, gwerthuso a dadansoddi.

Coleg yn cofleidio technolegau carbon isel

Mae Coleg Gŵyr Abertawe wedi dathlu carreg filltir arwyddocaol wrth i’r gwaith ar y llawr uchaf a’r to gael ei gwblhau ar Gampws Tycoch.

Dyma’r cam diweddaraf mewn prosiect sydd wedi cael gwared ar RAAC (Concrit Awyredig Awtoclafiedig Cyfnerth) o’r to, wedi’i ddilyn gan gyfres o becynnau gwaith wedi’u cydlynu gan ganolbwyntio ar ddiogelwch, cydymffurfio a chynaliadwyedd hirdymor. 

Bydd y gwaith hwn yn sicrhau bod y Coleg yn parhau i fynd i’r afael â sylfeini perfformiad adeiladu wrth greu’r amodau sydd eu hangen i gefnogi technolegau carbon isel. 

Rhydgrawnt ar y gorwel i 11 myfyriwr talentog

Mae 11 myfyriwr Safon Uwch o Goleg Gŵyr Abertawe wedi cael cynnig lleoedd amodol i astudio naill ai ym Mhrifysgol Rhydychen neu Brifysgol Caergrawnt yn 2026.

Mae’r myfyrwyr i gyd yn dilyn rhaglen Anrhydeddau CGA y Coleg ar Gampws Gorseinon, sydd â’r nod o roi’r paratoadau gorau posibl i fyfyrwyr sy’n anelu at symud ymlaen i Rydychen, Caergrawnt a phrifysgolion Russell Group. Y myfyrwyr yw:

Dathlu effaith drawsnewidiol prentisiaethau

Fel rhan o Wythnos Prentisiaethau Cymru 2026, mae Pennaeth Coleg Gŵyr Abertawe, Paul Kift, yn tynnu sylw at fanteision prentisiaethau i ddysgwyr, cyflogwyr ac economi ehangach Cymru.

Yn yr economi sy’n cyflym esblygu heddiw, mae busnesau’n wynebu pwysau cyson i aros yn gystadleuol, arloesol a chynhyrchiol. Un strategaeth hynod effeithiol yw prentisiaethau ac, yng Ngholeg Gŵyr Abertawe, rydym yn gweld yn ddyddiol yr effaith drawsnewidiol y maen nhw’n ei chael ar fusnesau ledled Cymru.

Academi Bêl-rwyd CGA yn Bencampwyr Cymru ar ôl ennill Cwpan yr Arlywyddion

Coronwyd Academi Bêl-rwyd CGA yn Bencampwyr Cymru ar ôl penwythnos llwyddiannus o gystadlu yng Nghwpan Arlywyddion Pêl-rwyd Cymru, a gynhaliwyd ym Mangor.

Ar ôl teithio hyd y wlad, fe wnaeth y garfan arddangos dygnwch ac undod rhagorol, gan berfformio’n wych drwy gydol y gystadleuaeth. Gweithiwyd gyda’i gilydd fel carfan o 12 i sicrhau’r tlws cenedlaethol. Roedd eu perfformiadau yn gyson trwy gydol y penwythnos, ac fe wnaethant arddangos gwaith tîm cadarn a meddylfryd cydweithredol a wnaeth ddwyn ffrwyth mewn gemau dwys.

Coleg yn dathlu’r prentisiaid a’r cyflogwyr gorau

Mae Coleg Gŵyr Abertawe wedi cynnal seremoni wobrwyo arbennig yn Stadiwm Swansea.com fel rhan o Wythnos Prentisiaethau Cymru 2026.

Roedd y digwyddiad yn anrhydeddu ymrwymiad ac ymroddiad rhagorol prentisiaid y Coleg, staff a chyflogwyr partner o bob cwr o Gymru a Lloegr, ac wrth y llyw roedd y cyflwynydd/darlledwr Ross Harries, sydd wedi bod yn wyneb rygbi Cymru am fwy na degawd.

Ysgol Gaeaf - Zhuzhou No.2 Middle School

Braf oedd croesawu disgyblion o Zhuzhou No. 2 Middle School i Goleg Gŵyr Abertawe fis diwethaf fel rhan o’r rhaglen Ysgol Gaeaf, lle cafwyd cyfle i gysgodi dosbarthiadau Safon Uwch a chymryd rhan mewn ystod o weithgareddau ar draws Abertawe a’r cyffiniau.

Roedd y disgyblion yn ddiolchgar iawn o gael cyfle i fynd i wersi safon uwch a phrofi ein math ni o addysgu, gan nodi’r gwrthgyferbyniad rhwng ein dulliau ni â’u system addysg gartref nhw.