Cyflwyniad i Fethodoleg Ddarbodus - Cymhwyster

Bydd Cyflwyniad i Fethodoleg Ddarbodus yn rhoi trosolwg i ddysgwyr o’r gwahanol bynciau mewn Methodoleg Ddarbodus. Mae’r rhaglen yn ategu gwybodaeth sylfaenol o Fethodoleg Ddarbodus, gan sicrhau bod dysgwyr yn deall y cysyniadau amrywiol, ac felly yn rhoi modd iddynt weithredu gwelliannau busnes o fewn eu rôl. Mae’r cymhwyster Lefel 2 hwn yn addas i’r rhai sy’n ystyried datblygu sgiliau a gwybodaeth syniadaeth ddarbodus. 

Addysgir y rhaglen fel cymhwyster annibynnol y gellir ei ariannu’n llawn gan Lywodraeth Cymru. Gellir ei defnyddio i uwchsgilio staff newydd neu bresennol.

I gwblhau’r cymwysterau yn llwyddiannus, bydd dysgwyr yn ymgymryd â thasg gwella prosiect a ddewiswyd ymlaen llaw. Byddan nhw’n caffael yr wybodaeth, yr offer a’r technegau sy’n gysylltiedig â phob uned a byddan nhw wedyn yn eu rhoi ar waith yn eu hamgylchedd gwaith presennol. Bydd y gwaith a roddwyd a’r dystiolaeth a gasglwyd yn cael eu hadolygu yn ystod y cyfarfodydd grŵp a’r cyfarfodydd un-i-un rheolaidd gyda thiwtoriaid/aseswyr a’u defnyddio at ddibenion asesu. 

Mae Coleg Gŵyr Abertawe yn defnyddio Aseswr Clyfar, sef offeryn rheoli prentisiaethau ar-lein sy’n rhoi modd i’r darparwr, y dysgwr a’r cyflogwr olrhain cynnydd dysgwyr yn effeithiol.