Technegau Gwella Busnes (TGB) Lefel 3 - Prentisiaeth
Trosolwg
Bydd Technegau Gwella Busnes yn rhoi modd i ddysgwyr ddatblygu’r sgiliau a’r wybodaeth sydd eu hangen i greu atebion newydd ar gyfer sefydliad, trwy gyflwyno ac astudio cysyniadau darbodus. Mae gan ein prentisiaethau yr amcan allweddol o wella perfformiad busnes. Mae Lefel 3 yn addas i’r rhai sydd am arwain tîm gwella.
Addysgir y rhaglenni fel cymwysterau annibynnol y gellir eu hariannu’n llawn gan Lywodraeth Cymru, a gellir eu defnyddio i uwchsgilio staff presennol neu newydd.
Gwybodaeth allweddol
I fod yn gymwys ar gyfer cyllid prentisiaeth, rhaid i’r prentis fod yn gyflogedig am fwy nag 16 awr yr wythnos ac wedi’i leoli yng Nghymru.
Bydd y dysgwyr yn cael tiwtor/aseswr penodedig, a fydd yn gweithio’n agos gyda nhw a’r cyflogwr i sicrhau bod y lefel a’r unedau a ddewisir yn addas ar gyfer eu rôl unigol a blaenoriaethau’r sefydliad. Bydd y tiwtor/aseswr yn cwrdd â’r dysgwyr bob 4-6 wythnos i asesu cynnydd a gosod amcanion ar gyfer y cyfnod nesaf.
Bydd disgwyl i’r dysgwyr fynychu gweithdai rhyngweithiol, a fydd yn canolbwyntio ar yr elfen wybodaeth o’r cymhwyster, a chymorth i ddatblygu dealltwriaeth a sgiliau. Bydd y dysgwyr hefyd yn cael gwaith prosiect seiliedig ar yr unedau maen nhw wedi’u dewis, a byddan nhw’n creu portffolio prosiect i ddangos y defnydd o’u sgiliau newydd.
Gallwn addysgu’r prentisiaethau o bell, yn hybrid neu wyneb yn wyneb.
Unedau gorfodol
- Gweithio’n ddiogel
- Trefniadaeth y gweithle (5S)
- Gwaith tîm effeithiol
- Gwella parhaus (Kaizen)
- Systemau rhreoli gweledol
Unedau dewisol
- Dadansoddi proses llif
- Datrys problemau
- Creu gweithdrefnau gweithredu safonol
I gwblhau’r cymwysterau yn llwyddiannus, bydd dysgwyr yn ymgymryd â thasg gwella prosiect sy’n berthnasol i’w rôl unigol a’u hamgylchedd dysgu. Byddan nhw’n caffael yr wybodaeth, yr offer a’r technegau sy’n gysylltiedig â phob uned ac yna byddan nhw’n rhoi’r rhain ar waith yn eu hamgylchedd gwaith presennol. Bydd y prosiect, y gwaith a roddwyd a’r dystiolaeth a gasglwyd yn cael eu hadolygu yn ystod y cyfarfodydd grŵp ac un-i-un rheolaidd gyda’r tiwtoriaid/aseswyr a’u defnyddio at ddibenion asesu. Mae Coleg Gŵyr Abertawe yn defnyddio Aseswr Clyfar, sef offeryn rheoli e-bortffolio ar-lein sy’n rhoi modd i’r darparwr, y dysgwr a’r cyflogwr olrhain cynnydd dysgwyr yn effeithiol.