Cefnogi Dysgu ac Addysgu mewn Ysgolion Lefel 2 - Tystysgrif 
Trosolwg
Nod ein cwrs blwyddyn Tystysgrif Lefel 2 mewn Cefnogi Dysgu ac Addysgu mewn Ysgolion yw rhoi’r sgiliau a’r wybodaeth angenrheidiol i ddarpar weithwyr proffesiynol addysg er mwyn cael effaith gadarnhaol mewn lleoliadau addysgol. Mae’r cwrs cynhwysfawr hwn yn cynnig archwiliad dwfn o rolau a chyfrifoldebau cynorthwyydd addysgu neu ymarferydd cymorth dysgu.
Mae’r cwrs hwn ar gael fel opsiwn rhan-amser ac fel prentisiaeth.
Gwybodaeth allweddol
Rhaid i ddysgwyr ddod am gyfweliad gyda’r tîm gofal plant a bydd cynigion cwrs yn amodol ar brawf sgrinio llythrennedd byr.
Rhan-amser
Rhaid i chi ddod o hyd i’ch lleoliad eich hun lle gallwch gwblhau 200 awr mewn lleoliad priodol o blant ysgol oedran gorfodol.
Prentisiaeth
Bydd angen i brentisiaid sicrhau lleoliad ysgol a rhaid bod yn gyflogedig am o leiaf 16 awr yr wythnos mewn ysgol addas gyda phlant o ysgol oedran gorfodol.
Os nad ydych yn meddu ar y cymwysterau perthnasol mewn Saesneg a Mathemateg (Gradd C neu uwch ar lefel TGAU) bydd angen i chi astudio sgiliau hanfodol fel rhan o’ch fframwaith prentisiaeth.
Mae’r cwrs rhan-amser blwyddyn hwn yn rhoi profiad dysgu cynhwysfawr a hyblyg i chi. Mae’n cyfuno gwybodaeth ddamcaniaethol â gwaith ymarferol, gan sicrhau eich bod wedi’ch paratoi’n dda i ragori mewn lleoliadau addysgol.
Addysgir y cwrs trwy ddull dysgu seiliedig ar fodiwlau, gan ddarlithwyr profiadol ar Gampws Tycoch. Addysgir y darlithoedd wyneb yn wyneb ar y campws bob nos Fawrth. Yn ogystal, bydd dysgwyr yn cael mynediad at ddeunyddiau dysgu ar-lein i ddatblygu eu taith ddysgu yn eu hamser eu hunain i weddu i’w hamserlenni.
Amcanion
- Deall datblygiad plant a phobl ifanc
- Astudio cyfathrebu a pherthnasoedd proffesiynol gyda phlant, pobl ifanc ac oedolion
- Deall cydraddoldeb, amrywiaeth a chynhwysiant mewn gwaith gyda phlant a phobl ifanc
- Gallu rhoi iechyd a diogelwch ar waith
- Gallu cefnogi gweithgareddau dysgu
- Gallu cefnogi ymddygiad cadarnhaol
- Gallu diogelu lles plant a phobl ifanc.
Canlyniadau
Ar ôl cwblhau’r rhaglen hon, bydd gennych yr arbenigedd i roi cymorth gwerthfawr mewn ystafelloedd dosbarth, meithrin datblygiad myfyrwyr, a chyfrannu’n gadarnhaol at daith addysgol plant.
Asesu
Asesir y cwrs trwy nifer o dasgau aseiniad. Yn ogystal, mae un o’n haseswyr profiadol yn asesu dysgwyr trwy arsylwi ymarfer.
- Addysg Bellach: Defnyddiwch eich tystysgrif fel cam tuag at brentisiaeth lefel uwch. Gallech symud ymlaen i’r cwrs Diploma Lefel 3 mewn Cymorth Arbenigol ar gyfer Dysgu ac Addysgu mewn Ysgolion (Prentisiaeth)
- Cynorthwyydd Addysgu: Gyda sylfaen gadarn mewn cymorth addysgol, byddwch wedi’ch paratoi’n dda i sicrhau rôl fel cynorthwyydd addysgu.
- Ymarferydd Cymorth Dysgu: Gyda’ch gwybodaeth o gefnogi anghenion myfyrwyr dilynwch rôl fel ymarferydd cymorth dysgu.
- Cydlynydd Anghenion Dysgu Ychwanegol (ADY): Wrth i’ch arbenigedd ddyfnhau, anelwch at swyddi fel Cydlynydd ADY.
Ni waeth pa lwybr a ddewiswch, mae’r cwrs Tystysgrif Lefel 2 yn darparu sylfaen y gallwch adeiladu gyrfa lewyrchus mewn addysg arni.
Bydd rhaid i chi gael gwiriad DBS am gost ychwanegol.
Bydd myfyrwyr yn cael aseswr a fydd yn eich cefnogi drwy gydol y rhaglen. Cewch fynediad at amrywiaeth o gyfleusterau a gwasanaethau cymorth yn y Coleg i gynorthwyo’ch profiad dysgu. Bydd rhaid i chi sicrhau lleoliad ysgol.