Mynediad i Fusnes a Gwasanaethau Ariannol
Trosolwg
Mae hwn yn gwrs newydd ar gyfer y rhai sy’n dychwelyd i addysg er mwyn symud ymlaen i Addysg Uwch neu i wella cyfleoedd gyrfa yn y sector busnes neu wasanaethau ariannol. Byddwch yn astudio amrywiaeth o unedau gorfodol a dewisol sy’n cyfrannu at eich Diploma Mynediad i AU.
Mae unedau pwnc yn cynnwys: Prosiect Ymchwilio; Gweinyddu Busnes; Cyllid Busnes; Marchnata; Adnoddau Dynol; Gofynion Rheoleiddiol mewn Gwasanaethau Ariannol.
Mae unedau sgiliau gorfodol yn cynnwys: Sgiliau Cyfathrebu ar gyfer Mynediad i AU; Cyflwyniadau Llafar; Sgiliau Astudio; Mathemateg.
Gwybodaeth allweddol
Mae’n debygol bod ymgeiswyr yn dychwelyd i ddysgu a gallant astudio rhaglenni Mynediad o amrywiaeth eang o gefndiroedd. Bydd yr holl ymgeiswyr yn cael cyfweliad i bennu eu haddasrwydd i ofynion y rhaglen sy’n ystyried (i) nodau (ii) profiad bywyd (iii) profiad addysgol yr ymgeiswyr.
Bydd ymgeiswyr yn cael cyngor os bydd llwybrau Lefel 3 yn fwy priodol i’w nodau.
Mae’n bosibl hefyd y bydd ymgeiswyr yn cael cyngor ar y dechrau i ystyried ein rhaglen Cyn-fynediad Lefel 2 i’w paratoi ymhellach a chael cyngor ar eu haddasrwydd i astudio ar y llwybr Lefel 3.
Mae’r Diploma Mynediad 60-credyd newydd hwn yn cael ei asesu’n barhaus drwy gwblhau cyfuniad o unedau gorfodol a dewisol.
Bydd dulliau asesu’n cynnwys amrywiaeth o waith prosiect ac aseiniadau, traethodau, cyflwyniadau, prosiectau ymchwil a phrofion. Bydd gofyn i chi gynnal eich ffeil cwrs i’r safon ofynnol ar gyfer corff dyfarnu Agored.
Mae angen lefel uchel o ymrwymiad i’r unedau a asesir yn barhaus er mwyn cwblhau’r cwrs yn llwyddiannus.
Ar ôl cwblhau’r cwrs yn llwyddiannus byddwch yn gallu gwneud cais i astudio cwrs Addysg Uwch mewn amrywiaeth eang o lwybrau cysylltiedig â chyfrifiadura megis HND Busnes a Chyfrifeg yng Ngholeg Gŵyr Abertawe neu Radd mewn Busnes a Rheoli / Busnes a Chyllid / Cyllid a Buddsoddi.
Grant Dysgu Llywodraeth Cymru i Gefnogi Dysgu
Os ydych chi’n 19 oed neu hŷn ac yn astudio cwrs Mynediad yng Ngholeg Gŵyr Abertawe, gallech dderbyn cymorth ariannol trwy Grant Dysgu Llywodraeth Cymru (AB) ar gyfradd cyrsiau ‘rhan-amser’ (Mae cyrsiau Mynediad yn dod o dan gategori cyllid 275-499 awr).
Canllawiau cymhwystra
Oedran: Rhaid bod yn 19 oed neu hŷn.
Incwm: Prawf modd – seiliedig ar incwm y cartref. Gallai dysgwyr sydd ag incwm o £18,370 neu lai dderbyn hyd at £959 y flwyddyn.
Cyfnod preswyl: Ar gael i ddysgwyr cymwys yng Nghymru neu unrhyw le arall yn y DU.
Defnydd o gyllid: Mae’n helpu gyda chostau fel llyfrau, offer a theithio.
Sut i wneud cais: Ewch i wefan Cyllid Myfyrwyr Cymru neu siaradwch ag un o Ymgynghorwyr Cyllid Myfyrwyr y Coleg.