Bagloriaeth Sgiliau Cymru Uwch 
Trosolwg
Mae cymhwyster BSCU Lefel 3 yn eich cynorthwyo i fod yn ddinesydd effeithiol, cyfrifol a gweithgar, gan roi’r sgiliau sydd eu hangen arnoch ar gyfer astudiaethau yn y dyfodol neu fyd gwaith.
Dros y ddwy flynedd byddwch yn ymgymryd â’r Prosiect Cymuned Fyd-eang, Prosiect Cyrchfan y Dyfodol, a Phrosiect Unigol.
Byddwch yn datblygu amrywiaeth o sgiliau sy’n ddeniadol i gyflogwyr, colegau a phrifysgolion gan gynnwys:
Sgiliau cyfannol
- Cynllunio a threfnu
- Meddwl yn feirniadol a datrys problemau
- Creadigrwydd ac arloesedd
- Effeithiolrwydd personol
Sgiliau mewnblanedig
- Llythrennedd
- Rhifedd
- Cymhwysedd digidol
Byddwch yn defnyddio ac yn cymhwyso’r pedwar Sgìl Cyfannol a chewch gyfleoedd i ddatblygu’r tri Sgìl Mewnblanedig. Byddwch yn cymryd rhan mewn amrywiaeth o weithgareddau a chyd-destunau cyffrous fydd yn seiliedig ar agenda datblygu cynaliadwy’r Cenhedloedd Unedig a Nodau Lles Cymru fel y diffinnir hwy gan Ddeddf Llesiant Cenedlaethau’r Dyfodol (Cymru).
Gwybodaeth allweddol
- O leiaf saith gradd A*-C ar lefel TGAU, gan gynnwys Saesneg a Mathemateg
Dros y ddwy flynedd byddwch yn astudio:
Prosiect Cymuned Fyd-eang (25%)
Byddwch yn dewis problem fyd-eang i ymchwilio iddi, rhannu eich gwybodaeth ag eraill a chymryd rhan mewn gweithred gymunedol.
Prosiect Cyrchfan y Dyfodol (25%)
Byddwch yn ennill dealltwriaeth ohonoch chi’ch hun, archwilio cyflogaeth yn y dyfodol a nodau lles, a chynllunio sut rydych chi’n gallu cyflawni hyn.
Prosiect Unigol (50%)
Byddwch yn cynllunio, rheoli ac ymchwilio i bwnc cysylltiedig â’ch addysg neu’ch dyheadau gyrfa yn y dyfodol, a chreu traethawd ysgrifenedig neu arteffact.
Gall asesiadau gael eu cynnal drwy gydol dwy flynedd y cwrs gyda chymedroli allanol yn digwydd ym mis Ionawr a mis Mai.
Mae’r cymhwyster hwn yn rhoi modd i chi ddatblygu sgiliau pwysig y gallwch fynd â nhw gyda chi i’r brifysgol, hyfforddiant, neu gyflogaeth.
Bydd datblygu’r sgiliau hyn yn eich helpu i fod yn ddinesydd effeithiol, cyfrifol a gweithgar a gallant gael effaith ddofn ar eich lles a’ch llwyddiant yn y dyfodol.
Yn debyg i amrywiaeth o gyrsiau, byddwch yn gallu teilwra’r sgiliau a ddatblygwyd i amrywiaeth o bynciau academaidd a galwedigaethol.