Newyddion y Coleg

Ysgol Fusnes Plas Sgeti yn croesawu aelodau newydd o’r bwrdd cynghori

Mae Ysgol Fusnes Plas Sgeti, rhan o Goleg Gŵyr Abertawe, yn falch o gyhoeddi ehangiad ei Bwrdd Cynghori gan ychwanegu chwe aelod deinamig newydd:

Luciana Ciubotariu, Prif Weithredwr y Porthladd Rhydd Celtaidd, prosiect sy’n cwmpasu porthladdoedd Aberdaugleddau a Phort Talbot ac yn cynnwys datblygiadau ynni glân ac asedau arloesedd, terfynfeydd tanwydd, gorsaf ynni, peirianneg drom a’r diwydiant dur ar draws de-orllewin Cymru.

Yng Nghwmni Hayley Szymonski - Pennaeth Dylunio, Corgi Socks

Mae dewis y llwybr iawn ar ôl coleg yn gallu bod yn gyffrous ac yn frawychus, ond i’r cyn-fyfyriwr o Goleg Gŵyr Abertawe, Hayley Szymonski, roedd yn ddechrau gyrfa greadigol a fyddai’n ei harwain i galon diwydiant dylunio Prydain.

A hithau erbyn hyn yn Bennaeth Dylunio yn Corgi Socks – brand moeth sydd ag enw da ledled y byd – sgwrsion ni â Hayley i ddysgu sut y gwnaeth ei hamser yng Ngholeg Gŵyr Abertawe lywio ei siwrnai, cael ei chyngor i bobl greadigol sy’n awyddus i ddilyn ei hôl troed, a chael cipolwg ar y brand sy’n cael ei garu gan y Teulu Brenhinol.

Coleg Gŵyr Abertawe yn cynnal Diwrnod Arloesi Microsoft

Yn ddiweddar fe wnaeth Coleg Gŵyr Abertawe groesawu Microsoft ac arbenigwyr o fewn y diwydiant i Gampws Tycoch i Ddiwrnod Arloesi Microsoft. Dyma garreg filltir nodedig ym mherthynas y coleg â’r arweinwyr technoleg byd-eang. 

Mae’r Diwrnod Arloesi yn rhan o raglen ehangach o weithgareddau rhwng Coleg Gŵyr Abertawe a Microsoft, a thrwy gyfres o weithdai mae'r Coleg wedi bod yn gweithio i ddod â thechnolegau a mewnwelediadau digidol arloesol i ddysgwyr a staff, gan hybu’r broses o ymgorffori arloesedd a sgiliau digidol ar draws pob maes cwricwlwm.

Penodi Ian Price OBE yn Gadeirydd y Llywodraethwyr yng Ngholeg Gŵyr Abertawe

Arweinydd busnes ac eiriolwr cymunedol enwog o Gymru yn ymuno â Choleg Gŵyr Abertawe.

Mae Ian Price, a enillodd OBE yn ddiweddar yn Anrhydeddau Pen-blwydd y Brenin am ei wasanaethau rhagorol i fyd busnes ac elusen, wedi cael ei benodi yn Gadeirydd y Llywodraethau yng Ngholeg Gŵyr Abertawe.  

Ac yntau’n dod â degawdau o brofiad arweinyddiaeth ac angerdd am addysg a gwasanaeth cymunedol, mae Ian yn barod i arwain y Coleg i bennod newydd gyffrous. Mae Ian yn olynu Meirion Howells, sy’n camu i lawr ar ôl pedair blynedd.  

Coleg Gŵyr Abertawe yn cynnal digwyddiad brecwast i sector y gyfraith

Yn ddiweddar fe wnaeth Coleg Gŵyr Abertawe groesawu cyflogwyr o sector y gyfraith i ddigwyddiad brecwast, lle cawsant gyfle i ffocysu ar feithrin y genhedlaeth nesaf o weithwyr trwy brentisiaethau. 

Coleg Gŵyr Abertawe i groesawu digwyddiad ysbrydoledig i ferched ar Ddiwrnod Rhyngwladol Merched mewn Peirianneg

Mae Coleg Gŵyr Abertawe yn falch o groesawu diwrnod blasu pwrpasol ar gyfer merched yn unig gyda’r nod o ysbrydoli’r genhedlaeth nesaf o beirianwyr menyw.

Yn cael ei gynnal ddydd Mercher 25 Mehefin, sef Diwrnod Rhyngwladol Merched mewn Peirianneg, bydd y digwyddiad blasu hwn yn croesawu tua 60 o ddisgyblion o Ysgol Gyfun Dylan Thomas ac Ysgol Gyfun Llandeilo Ferwallt am ddiwrnod llawn o archwilio ymarferol ar draws disgyblaethau peirianneg amrywiol.

Partneriaeth Coleg a Phrifysgol yn ei blodau

Mae myfyrwyr Tirlunio a Garddwriaeth yng Ngholeg Gŵyr Abertawe wedi elwa ar bartneriaeth gwaith unigryw gyda Phrifysgol Abertawe dros y misoedd diwethaf.

Bu’r dysgwyr yn gweithio ochr yn ochr â’r tîm Cynnal a Chadw Tiroedd ar Gampws Singleton i gyflawni amrywiaeth o dasgau ymarferol megis gosod tyweirch, chwynnu, paratoi gwelyau blodau, dyfrio a phlannu blodau mewn cynwysyddion ar gyfer arddangosfa dymhorol.  

Myfyriwr yn ennill gwobr adolygu llyfrau genedlaethol

Llongyfarchiadau i un o fyfyrwyr Coleg Gŵyr Abertawe, Daisy Squire, ar ennill cystadleuaeth adolygu llyfrau cenedlaethol a gynhaliwyd gan New College, rhaglen Step Up Rhydychen.

Gwobrau Myfyrwyr Blynyddol Coleg Gŵyr Abertawe 2025

Mae myfyrwyr a staff o Goleg Gŵyr Abertawe wedi ymgasglu i ddathlu blwyddyn wych arall o ragoriaeth academaidd a galwedigaethol.

Rhowch hwb i’ch Sgiliau gan Agor Drysau Newydd – Dewch i Noson Agored Addysg i Oedolion Coleg Gŵyr Abertawe!

Dyw hi byth yn rhy hwyr i ddysgu rhywbeth newydd, ac mae Coleg Gŵyr Abertawe yn cynnig amrywiaeth eang o gyrsiau rhan-amser i weddu i’ch swydd, dyletswyddau teuluol ac ati.  

Dewch i’n Noson Agored Addysg i Oedolion ar ddydd Mawrth 1 Gorffennaf ar Gampws Tycoch i archwilio ein cyrsiau, cwrdd â’n tiwtoriaid a darganfod sut y gall Coleg Gŵyr Abertawe eich helpu i ddewis eich cam nesaf.