Newyddion y Coleg

Adroddiad gan Estyn yn canmol Darpariaeth Dysgu Seiliedig ar Waith y Coleg

Heddiw (27 Mawrth) cyhoeddwyd Adroddiad Estyn (Arolygiaeth Ei Fawrhydi dros Addysg a Hyfforddiant yng Nghymru) Coleg Gŵyr Abertawe. Yn yr adroddiad, cafodd y Coleg ei ganmol am ei ddarpariaeth prentisiaethau/Dysgu Seiliedig ar Waith a gynigir yng Nghymru.

Mae hyn yn newyddion da iawn yn enwedig wrth ystyried y twf sylweddol sydd wedi’i gyflawni yn narpariaeth prentisiaethau’r Coleg ers 2016. Mae nifer y dysgwyr wedi cynyddu o 250 i tua 3,000 (2022/23).

Cynhadledd Myfyrwyr Cymru i Bedwar Ban Byd

Roedd myfyrwyr Teithio a Thwristiaeth Coleg Gŵyr Abertawe yn gyffrous i fynd i Gynhadledd Myfyrwyr ‘Cymru i Bedwar Ban Byd’ ITT Future You ar ddydd Mawrth 27 Chwefror.

Roedd myfyrwyr yn gallu dysgu am yr ystod eang o gyfleoedd sydd ar gael o fewn y diwydiant, a chael cyfle i rwydweithio â chyflogwyr i archwilio rhagolygon gyrfa’r dyfodol.

Cyfle unwaith-mewn-oes, allwch chi helpu ein myfyrwyr i helpu eraill?

Er ei bod dros 10,000 o filltiroedd i ffwrdd, mae Ysgol Gynradd Madungu yn agos iawn at galon Coleg Gŵyr Abertawe. Yma, mae’r Prif Swyddog Gweithredol yn esbonio sut mae’r Coleg wedi cefnogi’r ysgol am dros 20 mlynedd - a sut y gallwch chi helpu.

Gwobr i’r Coleg am ragoriaeth mewn addysg seiberddiogelwch

Coleg Gŵyr Abertawe yw un o’r sefydliadau addysg diweddaraf i ennill Gwobr Aur CyberFirst am ei addysg seiberddiogelwch ragorol.

Mae’r rhaglen CyberFirst yn cael ei rhedeg gan y Ganolfan Seiberddiogelwch Genedlaethol, sy’n rhan o GCHQ. Mae’r rhaglen yn cydnabod ysgolion a cholegau sy’n gallu dangos ymrwymiad i ysbrydoli’r to diweddaraf o arbenigwyr seiberddiogelwch a phontio’r bwlch sgiliau seiber.

Pobl ifanc Cymru yn fuddugol yn y gystadleuaeth sgiliau genedlaethol

Mae dros 280 o bobl ifanc dalentog o bob cwr o Gymru wedi cael cydnabyddiaeth am eu sgiliau galwedigaethol rhagorol yng ngwobrau Cystadleuaeth Sgiliau Cymru eleni, gan ennill 96 o fedalau aur, 92 o fedalau arian a 97 o fedalau efydd.

Coleg Gŵyr Abertawe yn ennill Gwobr AoC am Ehangu Cyfranogiad 23/24

Yn ddiweddar fe enillodd Coleg Gŵyr Abertawe wobr AoC am Ehangu Cyfranogiad yn Noson Wobryo Beacon Cymdeithas y Colegau.

Mae cannoedd o geisiadau’n cael eu cyflwyno o sefydliadau ledled y wlad bob blwyddyn, ac mae Gwobrau Beacon yn wobrau clodfawr tu hwnt ym maes addysg bellach. Mae’r digwyddiad wedi cael ei gynnal bob blwyddyn ers 29 o flynyddoedd.

Mae’r gwobrau yn gyfle i ddathlu arferion gorau a mwyaf arloesol colegau addysg bellach ac maent yn gydnabyddiaeth o’r effaith y mae colegau yn ei gael ar fyfyrwyr a’r cymunedau y maent yn eu gwasanaethu.

Coleg yn cael ei wahodd i Rif 10 i drafod menopos yn y gweithle

Cafodd Cyfarwyddwr Adnoddau Dynol Coleg Gŵyr Abertawe, Sarah King, ei gwahodd i Stryd Downing yr wythnos hon (dydd Llun 4 Mawrth) i ddechrau dathliadau Diwrnod Rhyngwladol y Menywod (DRhM) 2024.

Gwahoddwyd Sarah i gymryd rhan mewn sesiwn bord gron ar y Menopos yn y Gweithle cyn DRhM heddiw (dydd Gwener 8 Mawrth).

Cafodd y ford gron ei chroesawu gan y Gweinidog Mims Davies ac roedd detholiad o arweinwyr benywaidd yn bresennol o nifer o sectorau hefyd.

Wythnos Gymraeg yng Ngholeg Gŵyr Abertawe

Yr wythnos diwethaf, cynhaliodd Coleg Gŵyr Abertawe ei Wythnos Gymraeg flynyddol, gan annog ymgysylltu diwylliannol ymhlith myfyrwyr a staff, trwy weithgareddau sy’n dathlu diwylliant a thraddodiadau Cymru a’r iaith Gymraeg.

Cafwyd sesiynau clocsio egnïol gan y seren deledu Tudur Phillips, ac fe wnaeth myfyrwyr fwynhau’r ddawns Gymreig draddodiadol, gan feithrin ymdeimlad o falchder diwylliannol mewn ffordd modern.

Ymweliad â Tseina

Fe wnaeth Mark Jones, Prif Swyddog Gweithredol a Jeannie Yu o adran Ryngwladol CGA fynd ar daith bwysig iawn ar draws Tseinia i gryfhau partneriaethau ac archwilio cydweithrediadau newydd. Ar eu taith brysur, fe ymwelwyd â dinasoedd mawr megis Beijing, Tianjin, Shenyang, Dalian, Anshan, Shanghai, Chongqing, Guangzhou a Hong Kong, lle cyfarfuwyd â nifer o bartneriaid o ysgolion, colegau, prifysgolion a chanolfannau astudio. 

Galwad i Greadigolion Blwyddyn 8: Dewch i arddangos eich sgiliau yn Arena Abertawe!

Mae’r cyffro yn cynyddu wrth i Goleg Gŵyr Abertawe baratoi ar gyfer prosiect cyffrous ar y cyd â’r Rhwydwaith Celfyddydau Ysgolion.

Nod prosiect ‘Ein Lleisiau’ yw grymuso talentau ifanc yn ardaloedd Abertawe a Chastell-nedd Port Talbot. Mae Artist Preswyl enwog y Coleg, Ffion Denman, a staff addysgu ymroddgar wedi cynhyrchu pecyn offer creadigol gan gynnwys cyfres gyfareddol o fideos i ysbrydoli ac arwain disgyblion Blwyddyn 8 i fynegi eu safbwyntiau unigryw trwy gelf.