Newyddion y Coleg

Gwaith myfyrwraig Llwyn y Bryn mewn arddangosfa yn Llundain

Mae myfyrwraig o Goleg Gŵyr Abertawe wedi cael ei dewis gan Gorff Dyfarnu UAL i arddangos ei gwaith yn Origins Creatives 2024.

Mae’r fyfyrwraig Ffotograffiaeth Lefel 3 Evangeline Roberts, sy’n astudio ar Gampws Llwyn y Bryn, wedi cael ei dewis i arddangos ei gwaith yn Origins Creatives, sy’n cael ei gynnal ym Mall Galleries, Llundain, ym mis Gorffennaf.

Diwrnod Lles Staff 2024

Ar ddiwedd blwyddyn academaidd brysur arall, cynhaliodd Coleg Gŵyr Abertawe ei Ddiwrnod Lles Staff yr haf ar 4 Gorffennaf.

Roedd staff addysgu a staff cymorth yn gallu ymlacio a chymryd rhan mewn amrywiaeth eang o weithgareddau eleni gan gynnwys golff, iacháu siamanaidd, garddio, therapi dŵr oer, ioga a gwneud printiau.

Roedden nhw hefyd yn gallu cael cyngor am ddim ar ystod o bethau megis materion cyfreithiol, therapi adfer hormonau, iechyd a ffitrwydd cyffredinol, a chynllun Beicio i’r Gwaith y Coleg.

Cyfle cyffrous i gyflogwyr: digwyddiad galw heibio ar brentisiaethau

A ydych chi’n gyflogwr sy’n dymuno recriwtio prentis? Ydych chi am ddysgu mwy am sut y gall prentisiaethau fod o fudd i’ch busnes? Ymunwch â ni ar gyfer ein digwyddiad galw heibio ar brentisiaethau i gyflogwyr.

Bwriad y digwyddiad yw rhoi cyfle i gyflogwyr ymgysylltu yn uniongyrchol â’n harbenigwyr, gan ddysgu mwy am y cymorth prentisiaethau helaeth sydd ar gael yn y Coleg. 

Digwyddiad hystings bywiog yn tanio dadl

Aeth tua 50 o fyfyrwyr Safon Uwch Coleg Gŵyr Abertawe i ddigwyddiad hystings arbennig ar Gampws Gorseinon yn ddiweddar fel y gallant ofyn cwestiynau i ymgeiswyr eu hetholaeth leol.

Yn y cyfnod cyn yr Etholiad Cyffredinol, roedd yn gyfle i’r bobl ifanc hyn gymryd rhan yn y broses wleidyddol a gofyn cwestiynau am y materion sydd bwysicaf iddynt.

Yn bresennol roedd*:

Parti staff yn nodi diwedd blwyddyn academaidd arall

Cafodd staff yng Ngholeg Gŵyr Abertawe eu gwahodd i ddigwyddiad dathlu arbennig yn Ysgol Fusnes Plas Sgeti ar 28 Mehefin.

Ar ôl blwyddyn hynod o brysur arall, roedd yn gyfle i staff cymorth ac addysgu o bob campws ymlacio am ychydig oriau a mwynhau cwmni ei gilydd.

Darparwyd adloniant gan Fand Iwcalilis Abertawe a’r canwr Michael Roberts, a gafodd bawb ar eu traed i ddawnsio, a’r dewin hud a lledrith Dorian a ddiddanodd y partïwyr gyda’i driciau amrywiol.

Bant â ni i Genia!

Heddiw o’r diwedd fe wnaethon ni adael i fynd ar ein taith i Genia ar ôl yr hyn a fu yn wythnos arbennig o heriol yn y wlad. Rydym mor falch bod y protestiadau wedi lleihau ac, mewn rhai rhannau o’r wlad, wedi gorffen yn gyfan gwbl.

O safbwynt y Coleg, rydym wedi treulio’r 48 awr ddiwethaf yn gweithio’n agos gyda’n partneriaid a’n lletywyr, African Adventures, i brofi eu prosesau a’u gweithdrefnau yn drwyadl yn sgil y protestiadau diweddar, er bod yr ysgol rydym yn ymweld â hi yn bell i ffwrdd o’r dinasoedd mawr.

Gwobrau Myfyrwyr Blynyddol Coleg Gŵyr Abertawe 2024

Mae myfyrwyr a staff o Goleg Gŵyr Abertawe wedi dathlu blwyddyn arall eto o ragoriaeth academaidd a galwedigaethol.

Dychwelodd yr hen ffefryn lleol Kev Johns MBE i’r llwyfan yn Stadiwm Swansea.com i gyflwyno’r noson, lle rhoddwyd gwobrau i fyfyrwyr o amrywiaeth o gyrsiau amser llawn a rhan-amser, prentisiaethau, llwybrau addysg uwch, cyrsiau mynediad a rhaglenni cymorth cyflogadwyedd.

Coleg Gŵyr Abertawe yn cyrraedd y rownd derfynol mewn tri chategori yng Ngwobrau Addysgu Proffesiynol Cymru

Mae Coleg Gŵyr Abertawe yn falch iawn o gyhoeddi ei fod wedi cyrraedd y rownd derfynol mewn tri chategori yng Ngwobrau Addysgu Proffesiynol Cymru. 

Mae’r digwyddiad blynyddol hwn yn anrhydeddu cyfraniadau rhagorol y gweithlu addysg ledled Cymru, gyda’r flwyddyn hon yn nodi’r tro cyntaf i golegau gael eu cynnwys ochr yn ochr ag ysgolion.

Myfyrwyr yn sicrhau cyfleoedd prentisiaeth

Mae dau fyfyriwr Technoleg Peirianneg ar Gampws Tycoch Coleg Gŵyr Abertawe wedi bod yn creu argraff yn y diwydiant peirianneg, diolch i gymorth y cyn-fyfyriwr David McRae.

Cwblhaodd David ei radd Peirianneg Adeiladu ym Mhrifysgol Abertawe ac aeth ymlaen wedyn i fod yn Brif Beiriannydd yn CB3 Consult. Yn ddiweddar, cysylltodd â’i gyn-diwtor, Coral Planas, i chwilio am brentisiaid i ymuno â chynllun prentisiaeth Sefydliad y Peirianwyr Sifil.

Prentis yn ennill yr Ail Wobr yng nghystadleuaeth Prentis y Flwyddyn Lloriau CFA 2024

Mae Coleg Gŵyr Abertawe yn falch o gyhoeddi bod Dale Dee-Ray, prentis Lefel 2 mewn Gorchuddio Lloriau, wedi ennill yr ail wobr yng nghystadleuaeth Prentis y Flwyddyn Lloriau CFA 2024.

Derbyniodd Ganmoliaeth Uchel ar ôl dangos angerdd am y diwydiant lloriau, awydd am ragoriaeth, ac ymroddiad cadarn i’w daith pentisiaeth.