Safon Uwch Dylunio Tecstilau (Ffasiwn/Dylunio Mewnol)
Trosolwg
Yn y cwrs hwn, bydd myfyrwyr yn dysgu cysyniadau sylfaenol dylunio tecstilau yng nghyd-destun ffasiwn a/neu ddylunio mewnol, gan gynnwys ymchwil artistiaid/dylunwyr proffesiynol a ffynonellau ymchwil hanfodol eraill i lywio’r daith ddylunio. Trwy brosiectau a gweithdai ymarferol, bydd myfyrwyr yn cael profiad ymarferol o ddatblygu technegau tecstilau fel brodwaith llaw a pheiriant, gwaith gleiniau, laser, adeiladu creadigol ac ati.
Amcanion y Cwrs:
- Deall egwyddorion sylfaenol y broses ddylunio a’i chymhwysiad trwy astudiaethau arsylwi a samplau tecstilau
- Datblygu sgiliau datrys problemau ymarferol a meddwl yn feirniadol
- Datblygu a chreu darluniau ffasiwn/dylunio mewnol
- Datblygu eich thema eich hun a chreu canlyniadau personol.
Canlyniadau’r Cwrs:
- Gweithredu’r broses ddylunio a’i chymhwysiad yn llwyddiannus trwy astudiaethau arsylwi a samplau tecstilau
- Cymhwyso dealltwriaeth gyd-destunol trwy ddulliau gweledol ac ysgrifenedig
- Cynhyrchu darluniau Ffasiwn/Dylunio Mewnol, dyluniadau cysylltiedig, a chanlyniadau personol terfynol.
Gwybodaeth allweddol
- O leiaf saith gradd A*-C ar lefel TGAU, gan gynnwys Saesneg Iaith a Mathemateg
- Mae gradd C mewn pwnc celf ar lefel TGAU yn hynod ddymunol ond nid yw’n hanfodol.
Asesu:
Mae’r cwrs yn cael ei asesu’n fewnol, a’i gymedroli’n allanol.
Meini Prawf Graddio:
Blwyddyn 1 (100% gwaith cwrs heb unrhyw arholiadau)
UG Uned 1 – Ymchwiliad Creadigol Personol
Asesiad di-arholiad
40% o’r cymhwyster
Dyddiadur Dylunio a Chanlyniad Terfynol.
Blwyddyn 2 (100% gwaith cwrs heb unrhyw arholiadau)
Safon Uwch Uned 2 – Ymchwiliad Personol
Asesiad Di-arholiad
36% o’r cymhwyster
Dyddiadur Dylunio a Chanlyniad Terfynol.
Safon Uwch Uned 3 – Aseiniad a Osodir yn Allanol
Asesiad Di-arholiad
24% o’r cymhwyster
Rhan un: Cyfnod Astudio Paratoadol
Rhan dau: Cyfnod Ffocws Parhaus 15 awr (asesiad di-arholiad)
Gallech chi aros yn y Coleg a symud ymlaen i’r cyrsiau Gradd Sylfaen Celf a Dylunio neu Radd Sylfaen Ffasiwn a Dylunio Tecstilau. Mae Safon Uwch Dylunio Tecstilau yn agor nifer o ddrysau a gall fod yn hanfodol o ran creu llwybrau ar gyfer amrywiaeth eang o gyrsiau prifysgol yn genedlaethol ac yn rhyngwladol.
Mae’r diwydiant tecstilau yn cynnig cyfoeth o rgaolygon a chyfleoedd gyrfa. Gallai myfyriwr graddedig tecstilau ddilyn gyrfa mewn ffasiwn, dylunio patrymau arwyneb, dylunio mewnol, dylunio gwisgoedd ffilm/theatr, hyrwyddo/newyddiaduraeth ffasiwn, addysgu neu fod yn artist/dylunydd tecstilau arbenigol mewn gemwaith tecstilau, gwneud ffelt, printio ac ati.
Nod y cwrs yw meithrin creadigrwydd a chryfderau personol trwy astudiaethau annibynnol. Sylwch fod yna ffi £30 ar gyfer y cwrs hwn.
