Coginio ac Arlwyo Proffesiynol Lefel 2 - Diploma
Trosolwg
Yn ystod y cwrs blwyddyn hwn byddwch yn dysgu am bwysigrwydd lletygarwch proffesiynol yn y DU ac i economi ein rhanbarth ein hunain. Byddwch yn datblygu’r sgiliau sydd eu hangen i weithio’n llwyddiannus yn y diwydiant, gan gynnwys sut i gyfathrebu’n effeithiol â chwsmeriaid a’ch tîm, datblygu syniadau ar gyfer bwydlenni, paratoi a gweini bwyd a diod.
Byddwch yn cwblhau Diploma Cogydd a Thystysgrif Gwasanaeth Bwyd. Byddwch yn cwblhau amrywiaeth o asesiadau i ddatblygu eich gallu i ddarparu gwasanaeth cwsmeriaid ardderchog, mewn amgylchedd arlwyo masnachol.
Byddwch hefyd yn astudio Mathemateg, Saesneg Iaith, Llythrennedd Digidol a Chyflogadwyedd perthnasol, trwy ein rhaglen Cymorth Sgiliau.
Gwybodaeth allweddol
- 16+ oed
- Mae ymrwymiad, brwdfrydedd a’r gallu i weithio gydag eraill yn hanfodol
- Wedi cwblhau Diploma Lefel 1 mewn Coginio ac Arlwyo Proffesiynol ar Deilyngdod neu uwch.
- Neu gymhwyster lletygarwch ac arlwyo cyfwerth a phrofiad diwydiannol perthnasol - byddwn yn trafod hyn yn y cyfweliad.
Byddwch yn cwblhau asesiadau ymarferol yn y Vanilla Pod a’r ceginau masnachol.
Mae unedau theori yn cynnwys cwestiynau amlddewis, aseiniadau ysgrifenedig a phrofion byr.
Graddau’r unedau yw pasio / teilyngdod / rhagoriaeth.
Cyfleoedd i symud ymlaen i gymwysterau Coginio ac Arlwyo Proffesiynol Lefel 3 neu Diploma Lefel 3 mewn Twristiaeth Uwch.
Bydd gofyn i chi brynu gwisg ac offer arbenigol (tua £250).
Byddwn ni’n rhoi gwybodaeth a chostau i chi yn ystod eich cyfweliad. Mae’n bosibl y byddwch yn gallu gwneud cais am gyllid.
Darperir loceri (bydd angen blaendal arnom ond cewch eich ad-dalu).