Plastro (Diploma Lefel 2)
Trosolwg
Bwriedir y cwrs dwy flynedd hwn i’r rhai sy’n gyflogedig yn y diwydiant adeiladu fel plastrwr. Mae’r cwrs hwn yn rhoi modd i chi ddysgu, datblygu ac ymarfer y sgiliau sydd eu hangen yn y maes arbenigol hwn. Byddwch yn dysgu sut i:
- Rhoi defnyddiau plastr ar fannau mewnol
- Gosod leinin sych a byrddau plastr mewn mannau mewnol
- Gosod sgridiau tywod a sment
- Rhoi defnyddiau plastr ar gefndiroedd allanol
Sgiliau Hanfodol:
- Cymhwyso Rhif Lefel 1
- Cyfathrebu Lefel 1
Ychwanegwyd Mehefin 2021
Gwybodaeth allweddol
Cyfuniad o raddau pasio TGAU, profiad gwaith blaenorol yn y diwydiant, cyflawniad ar gwrs dilyniant perthnasol a chanlyniadau asesiad ar-lein – caiff hyn ei drafod yn y cyfweliad.
Byddai gradd C mewn mathemateg a Saesneg yn ddelfrydol.
Gallwch symud ymlaen i Brentisiaeth Lefel 3 mewn Plastro neu gallwch arallgyfeirio ac ennill achrediad a gymeradwyir gan y diwydiant trwy ein cyrsiau adeiladu eraill.
Bydd dysgwyr yn mynychu hyfforddiant un diwrnod yr wythnos i astudio’r cwrs Diploma Lefel 2 ar gyfer yr elfennau ymarferol a theori. Mae hyn yn cynnwys profion dewis lluosog ac ymarferol ar ddiwedd yr uned. Tra byddwch yn y gwaith, bydd angen i chi gasglu tystiolaeth o gymhwysedd ar gyfer eich cymhwyster NVQ. Asesir yr NVQ trwy gasglu tystiolaeth ffotograffig, tystebau ac ymweliadau â’r safle gan eich tiwtor/aseswr.
Bydd prentisiaid yn cael mentor hyfforddi, a fydd yn ymweld â nhw yn rheolaidd i sicrhau eu bod yn hapus gyda’u cynnydd a’u bod ar y trywydd iawn i gyflawni.
Bydd yn cymryd rhwng 12 a 24 mis i gwblhau’r fframwaith prentisiaeth yn dibynnu ar allu a phrofiad blaenorol.