Gosod Mannau Gwefru Cerbydau Trydan - Cymhwyster
Ffôn: 01792 284400 E-bost: training@gcs.ac.uk
Trosolwg
Bydd y cwrs hwn yn rhoi cipolwg cynhwysfawr i ddysgwyr ar sut i ddefnyddio Cod Ymarfer IET ar gyfer Gosod Offer Gwefru ar gyfer Cerbydau Trydan.
Bydd yn cynnig cyfle i unigolion sy’n gweithio yn y sector electrodechnegol ddatblygu eu dealltwriaeth o osod mannau gwefru ar gyfer cerbydau trydan a bydd yn cwmpasu’r sgiliau craidd sydd eu hangen i osod ac archwilio mannau gwefru a darganfod unrhyw ddiffygion.
Mae’r sector hwn yn newydd a gall drydanwyr ymgymryd â hyfforddiant i ddod yn osodwyr arbenigol.
Gwybodaeth allweddol
Rhaid i ddysgwyr fod yn drydanwyr cymwys a bydd angen iddynt feddu ar gymhwyster mewn Profi AM (e.e. AM2/S/E/D). Bydd angen iddynt hefyd fod wedi pasio cwrs Archwilio a Phrofi. Bydd gofyn i ddysgwyr ddangos eu tystysgrif cyn ymgymryd â’r cwrs.
Hefyd, bydd ganddynt ddealltwriaeth ymarferol o’r gofynion canlynol:
- Gwybod sut i osod a therfynu cebl pvc/pvc (ceblau dwbl a daear) a cheblau dur.
- Gwybod y gwahaniaeth rhwng gofynion gosod yn y ddaear e.e. TT, TNS, TNCS
- Cynnal gwiriad cychwynnol (archwiliad a phrofi) ar osodiadau trydanol a chwblhau'r gwaith papur angenrheidiol
Mae angen y cymwyseddau yma ar gyfer yr asesiad ac ni fyddant yn cael eu haddysgu fel rhan o'r cymhwyster. Disgwylir i ddysgwyr feddu ar gymwysterau perthnasol a/neu fod â gwybodaeth ymarferol o'r diwydiant trydanol.
Ystyrir pob cais yn unigol ac efallai na fydd angen cymwysterau ffurfiol mewn rhai achosion. Bydd hyn yn dibynnu ar brofiad.
Bydd y cwrs yn cael ei gyflwyno dros ddau ddiwrnod yng Nghanolfan Ynni Coleg Gŵyr Abertawe, Campws Tycoch. Bydd yn cynnwys gosodiad ymarferol o uned wefru cerbydau trydan, sesiynau o fewn ystafell ddosbarth, asesiad ymarferol yn ogystal ag arholiad llyfr agored awr ar-lein.
Bydd gofyn i ddysgwyr ddod â Chod Ymarfer IET ar gyfer Gosod Cyfarpar Gwefru Cerbydau Trydan+ (5ed argraffiad) i'r cwrs.