Busnes a Thechnoleg (BT) - Cyfrifeg ACCA
Ffôn: 01792 284097 E-bost: accountancy@gcs.ac.uk
Trosolwg
Achredir ein cyrsiau cyfrifeg proffesiynol gan ACCA ac rydym yn Bartner Dysgu Cymeradwy Platinwm. Eu bwriad yw rhoi’r wybodaeth, y sgiliau a’r gwerthoedd proffesiynol a fydd yn datblygu gweithwyr proffesiynol i adeiladu gyrfaoedd llwyddiannus; p’un a ydynt yn gweithio yn y sector cyhoeddus neu breifat, yn ymarfer mewn sefydliad cyfrifyddu neu’n dilyn gyrfa mewn busnes.
Gwybodaeth allweddol
Yn ddelfrydol, dylai myfyrwyr feddu ar un neu ddwy radd A-C ar lefel TGAU. Fodd bynnag, mae synnwyr cyffredin a dawn am rifau ac amcangyfrif yn bwysicach. Ar agor i fyfyrwyr o bob oedran.
Bydd BT – Busnes a Thechnoleg – yn eich addysgu sut mae busnesau’n gweithredu’n effeithiol, yn effeithlon ac yn foesegol a bydd yn dangos y rôl hanfodol y mae gweithwyr proffesiynol cyllid yn ei chwarae i gyflawni hyn. Byddwch yn deall busnes yng nghyd-destun ei amgylchedd, gan gynnwys dylanwadau economaidd, cyfreithiol a rheoleiddiol ar agweddau fel llywodraethu, cyflogaeth, iechyd a diogelwch, diogelu data a diogelwch eiddo.
Mae’r holl addysgu yn seiliedig ar ddarlithoedd ystafell dosbarth gan aelodau o staff cymwysedig a phrofiadol.
Cynigir arholiadau ffurfiol yn ôl y gofyn.
Gellir ariannu’r cwrs hwn trwy ein Cynllun Prentisiaeth neu’r Cynllun Sgiliau ar gyfer Diwydiant – gofynnwch am ragor o fanylion neu am unrhyw gyllid sydd ar gael.
Os hoffech astudio’r cwrs hwn, cysylltwch â'r Tîm Cyfrifeg ar 01792 284097 neu e-bostiwch accountancy@gcs.ac.uk