Trin Gwallt Lefel 2 - Diploma
Trosolwg
Yn ystod y cwrs blwyddyn hwn byddwch yn datblygu sgiliau trin gwallt ac yn gweithio ar gleientiaid a’ch modelau eich hun mewn amgylchedd salon masnachol.
Mae meysydd astudio yn cynnwys:
- Iechyd a diogelwch
- Gweithio yn y diwydiant gwallt
- Ymgynghori â chleientiaid
- Siampwio a chyflyru gwallt
- Chwythsychu / setio / plethu a throelli gwallt
- Lliwio a goleuo gwallt
- Torri gwallt merched
- Torri gwallt dynion
- Hyrwyddo gwasanaethau a chynhyrchion.
Os bydd angen, bydd dysgwyr yn cael y cyfle i gwblhau cymwysterau TGAU pellach mewn Mathemateg a Saesneg Iaith.
Bydd asesiadau yn barhaus drwy gydol y flwyddyn academaidd gan gynnwys Arsylwadau Ymarferol wrth weithio ar gleientiaid a modelau yn y salon. Bydd profion ar-lein a gwaith aseiniad hefyd yn cael eu defnyddio i asesu gwybodaeth theori ar gyfer pob uned.
Gwybodaeth allweddol
- Amrywiaeth o raddau D neu uwch ar lefel TGAU gan gynnwys Saesneg Iaith a Mathemateg yn ddelfrydol a/neu gymhwyster NVQ Tystysgrif Lefel 1 mewn Trin Gwallt
- Bydd rhaid i ymgeiswyr nad yw’r Saesneg yn iaith gyntaf iddynt feddu ar gymhwyster ESOL Lefel 1.
Byddwch yn dod i’r Coleg am 17 awr yr wythnos. Byddwch yn treulio’r rhan fwyaf o’ch amser yn y salonau masnachol gan ddatblygu sgiliau ymarferol a gweithio ar gleientiaid neu’ch modelau eich hun. Yn ogystal, bydd gwersi yn yr ystafell ddosbarth a thair awr ychwanegol os bydd angen ailsefyll TGAU Mathemateg neu Saesneg Iaith.
Bydd dysgwyr yn cael cyfle i symud ymlaen i’r cwrs Diploma Lefel 3 Trin Gwallt amser llawn, neu efallai y bydd rhai dysgwyr am ddilyn prentisiaeth Trin Gwallt Lefel 2/3 mewn salon.
Rhaid i ddysgwyr brynu cit a gwisg fel rhan o’u cwrs. Byddwn yn cadarnhau costau yn ystod y cyfweliad. Mae’n bosibl y bydd cyllid ar gael.