Technegydd Peirianneg Electronig (Rhaglen Peirianneg Uwch) Lefel 3 - Diploma
Trosolwg
Bwriad y cwrs Lefel 3 hwn yw rhoi mynediad i Raglen Prentisiaeth y Diwydiant Electroneg. Mae’n rhan o fframwaith prentisiaeth Cymru a ddefnyddir i hyfforddi prentisiaid ym maes electroneg.
Bydd myfyrwyr yn dysgu am gysyniadau sylfaenol electroneg gan gynnwys Autodesk Fusion, electroneg analog, electroneg ddigidol, roboteg, cyfrifiaduron, rhwydweithio, clyweled, PLC a phrosiectau pwrpasol.
Trwy brosiectau ac ymarferion, bydd myfyrwyr yn cael profiad ymarferol gan ddefnyddio’r systemau electronig diweddaraf a datrys problemau o safon diwydiant go iawn.
Er mwyn gwella’r profiad dysgu ar ôl rhaglen hyfforddi gychwynnol o ddau fis bydd myfyrwyr yn dechrau lleoliad gwaith un diwrnod yr wythnos mewn cwmni electroneg. Bwriad hyn yw rhoi cyfle i’r myfyriwr a’r cyflogwr ddatblygu perthynas waith gref gyda’r posibilrwydd o brentisiaeth o fewn y cwmni.
Amcanion y cwrs:
- Deall egwyddorion systemau electronig a’u cymwysiadau
- Datblygu sgiliau datrys problemau a sgiliau meddwl beirniadol ar systemau electronig
- Dylunio a gosod systemau electronig
- Profiad gwaith wythnosol yn rheolaidd.
Canlyniadau’r cwrs:
- Bydd myfyrwyr yn gallu egluro cysyniadau sylfaenol systemau electronig a’u cymwysiadau
- Bydd myfyrwyr yn gallu dylunio systemau electronig
- Bydd myfyrwyr yn gallu gosod systemau electronig.
Gwybodaeth allweddol
Pedair gradd C neu uwch ar lefel TGAU, gan gynnwys Mathemateg a Saesneg Iaith.
Pedwar diwrnod yr wythnos yn y Coleg ac un diwrnod yr wythnos yn y gwaith.
Asesu:
- Arholiadau dewis lluosog
- Aseiniadau ymarferol
- Ysgrifennu adroddiadau.
Meini Prawf Graddio:
- Arholiadau: 40%
- Aseiniadau: 50%
- Ysgrifennu adroddiadau: 10%.
Os byddwch yn cwblhau’r rhaglen yn llwyddiannus, gallai arwain at brentisiaeth amser llawn. Mae’r sector hwn yn anhygoel o amrywiol gyda phrentisiaethau mewn:
- Roboteg
- Electroneg ddiwydiannol
- Technegydd cyfrifiadurol
- Technegydd clyweled
- Electroneg feddygol
- Technoleg cyfathrebu symudol
- Technegydd deintyddol (systemau electronig)
- Nwyddau gwyn
- Nwyddau brown
- Systemau electroneg tân a diogelwch.
Gall y cwrs arwain at yrfa lewyrchus yn y diwydiant electroneg.
Mae nifer o fyfyrwyr wedi cynrychioli Cymru a’r DU mewn cystadlaethau sgiliau. Mae’r cystadlaethau hyn yn galluogi myfyrwyr i fod y fersiynau gorau ohonynt eu hunain. Mae’r tîm Electroneg yn falch o’n cyflawniadau gyda dysgwyr yn y maes hwn. Mae dysgwyr yn ennill medalau Aur, Arian ac Efydd yn gyson mewn cystadlaethau o’r fath.
Mae myfyrwyr wedi mynd ymlaen i gynrychioli’r Coleg yn y Gemau Olympaidd Sgiliau Rhyngwladol trwy lwybr WorldSkills International.
Mae myfyrwyr sydd wedi manteisio ar gyfleoedd prentisiaeth wedi cael gyrfaoedd rhagorol yn y sector.