Sut i Wneud Cais

Dewis eich cwrs

Meddyliwch am y pynciau rydych yn llwyddo orau ynddynt a’r hyn rydych yn mwynhau ei astudio. Mae rhai pynciau’n cael eu hasesu trwy arholiadau, ac mae eraill yn cyfuno gwaith cwrs ac arholiadau, felly chwiliwch am y cwrs sy’n fwyaf addas i chi. Cofiwch edrych ar ofynion mynediad y cwrs.

Gweld cyrsiau

Gwneud cais

Po gynharaf y byddwch chi’n gwneud cais, y mwyaf o siawns sydd gennych o sicrhau lle ar eich cwrs dewis cyntaf. Ar ôl dewis eich cwrs, cliciwch y botwm 'gwneud cais nawr' ar dudalen y cwrs a llenwch y ffurflen gais ar-lein.

Byddwn ni'n gofyn i chi greu cyfrif, parhau â chais, neu arwyddo i mewn i gyfrif arall (os ydych eisoes yn fyfyriwr yng Ngholeg Gŵyr Abertawe).

Os ydych chi’n gwneud cais am sawl cwrs, fel cyrsiau Safon Uwch, yr unig beth sy’n rhaid i chi ei wneud yw clicio ar 'gwneud cais nawr' ar un dudalen cwrs, ac yna gallwch ychwanegu’r holl gyrsiau rydych chi wedi’u dewis at y ffurflen gais.

Cynnig coleg a chyfweliad

Ar ôl i chi wneud cais, bydd ein tîm Derbyn yn cysylltu â chi a’ch gwahodd i gyfweliad. Rydym am wneud yn siŵr bod gennych yr holl gymorth sydd ei angen arnoch drwy gydol y broses ymgeisio a’ch bod yn dewis y cwrs sy’n iawn i chi. Mae ein staff ar gael i ateb unrhyw gwestiynau sydd gennych am y cwrs a’r Coleg.

Cofrestru

Cewch eich gwahodd i ddod i’r Coleg i gofrestru ar ôl gorffen eich arholiadau TGAU. Peidiwch â phryderu os nad ydych yn cael y canlyniadau TGAU roeddech chi’n eu disgwyl neu roedd eu hangen arnoch i ddilyn y cwrs o’ch dewis – dewch i’ch apwyntiad a gallwn fynd trwy’r opsiynau gyda chi. Mae cwrs ar gael i bawb.

Dechrau

Mae bywyd myfyriwr yn dechrau gyda llawer o weithgareddau i’ch helpu i ymgartrefu yn y Coleg a gwneud ffrindiau newydd. Byddwch hefyd yn cwrdd â’ch tiwtor, cael eich amserlen a phopeth arall sydd ei angen arnoch i sicrhau bod eich taith fel myfyriwr yn dechrau’n dda!