Newyddion y Coleg

Dyfodol disglair i ddosbarth Technoleg Peirianneg 2015

Mae adran Technoleg Peirianneg Coleg Gŵyr Abertawe (Tycoch) wedi dathlu ei gohort BTEC Lefel 3 mwyaf llwyddiannus hyd yn hyn.

O ddosbarth graddio 2015, mae saith yn mynd i rai o’r prifysgolion gorau ledled gwledydd Prydain gan gynnwys Abertawe, Manceinion, Swydd Gaerhirfryn a Bryste, i astudio am radd mewn Peirianneg Gemegol, Peirianneg Sifil, Peirianneg Fecanyddol, Peirianneg gyda Chymorth Cyfrifiadur, Pensaernïaeth a Roboteg.

Canlyniadau Safon Uwch / UG Coleg Gŵyr Abertawe 2015

Mae Coleg Gŵyr Abertawe yn dathlu cyfradd pasio gyffredinol o 98% yn arholiadau Safon Uwch – sy’n uwch na chyfartaledd cenedlaethol Cymru – gyda 1548 o gofrestriadau arholiadau ar wahân.

Roedd 81% ohonynt yn raddau uwch A*-C ac roedd 57% ohonynt yn raddau A*-B, y ddwy ganran yn gynnydd ar ganlyniadau 2014.

Cyfradd pasio gyffredinol Safon UG oedd 90%, gyda 66% yn raddau A-C a 42% yn raddau A neu B, sef cynnydd eto ar ganlyniadau 2014.

Roedd cyfanswm o 3066 o gofrestriadau arholiadau ar wahân ar gyfer Safon UG.

'Collider' - arddangosfa 7 - 29 Awst

Mae ‘Collider’ yn arddangosfa sy’n dilyn rhaglen lwyddiannus Artistiaid Preswyl 2015 Coleg Gŵyr Abertawe.

Bydd yr arddangosfa’n dangos gwaith yr artistiaid dethol a gymerodd ran yn rhaglen Artistiaid Preswyl eleni – Jason a Becky a Gareth Southwell.

Yn ogystal, bydd arddangosfa o ddeunydd gan fyfyrwyr Coleg Gŵyr Abertawe o fenter Ysgol Gelf Sadwrn a chyrsiau celf a dylunio amrywiol, a gwaith a wnaed gan yr artistiaid a NEETs (pobl ifanc ‘Nad Ydynt Mewn Addysg, Cyflogaeth na Hyfforddiant’) lleol.

System Adnoddau Dynol arloesol yn ennill gwobr genedlaethol

Mae system adnoddau dynol arloesol sydd wedi arbed amser ac arian i Goleg Gŵyr Abertawe wedi ennill gwobr genedlaethol nodedig gan HR Magazine.

Yn ddiweddar enillodd y system ‘All About Me/All About My Staff’ wobr am y Defnydd Mwyaf Arloesol o Dechnoleg Adnoddau Dynol yn seremoni Gwobrau Rhagoriaeth Adnoddau Dynol 2015 yn Llundain, gan guro cystadleuaeth gref gan gwmnïau mawr cenedlaethol a rhynglwadol fel Santander, Monster a Chymdeithas Adeiladu Nationwide.

Ysgoloriaeth i'r myfyriwr Mynediad Felix

Mae'r myfyriwr Mynediad i'r Gyfraith Felix Green yn dathlu ar ôl iddo gael cynnig amodol i astudio'r Gyfraith ym Mhrifysgol Abertawe ac Ysgoloriaeth Cymhelliant o £1,500 gan y Coleg Cymraeg Cenedlaethol.

Yn gyn ddisgybl Ysgol Gyfun Gŵyr, cafodd Felix yr ysgoloriaeth gan ei fod yn bwriadu astudio gradd yn y Gyfraith drwy gyfrwng y Gymraeg.

Dadorchuddio plac glas ym Mhlas Sgeti

Mae’r dyn a oruchwyliodd y gwaith o greu Crochenwaith byd-enwog Cambrian wedi cael ei anrhydeddu â phlac glas ym Mhlas Sgeti, sef tirnod yn Abertawe a oedd yn berchen arno cryn amser yn ôl.

Cafodd y plac glas ei ddadorchuddio er cof am Lewis Weston Dillwyn - a oedd hefyd yn fotanegydd o fri - ar 2 Gorffennaf.

Cystadleuaeth peirianneg yn arwain at swydd i Stefano

Mae ennill cystadleuaeth peirianneg wedi talu ar ei ganfed i’r myfyriwr Stefano Amoruso o Goleg Gŵyr Abertawe ar ôl i un o’r beirniaid gynnig prentisiaeth iddo.

Yn ddiweddar enillodd Stefano rownd derfynol ranbarthol cystadleuaeth Electroneg Ddiwydiannol WorldSkills y DU ar gampws Tycoch a nawr bydd yn mynd ymlaen i gystadlu yn y Sioe Sgiliau yn yr NEC, Birmingham ym mis Tachwedd. Mae’n bosibl hefyd y caiff le yn rowndiau terfynol WorldSkills Rhyngwladol sydd ar y gorwel yn Abu Dhabi yn 2017.

Myfyrwyr yn perfformio trasiedi Roegaidd - yn Gymraeg

Fel rhan o'u hwythnosau olaf o ddosbarthiadau cyn gwyliau'r haf, cafodd myfyrwyr Drama Lefel UG o Goleg Gŵyr Abertawe gyfle i baratoi cynhyrchiad dwyieithog o ddrama Sophocles, Electra.

Wedi'i lleoli yn ninas Argos mae'n adrodd hanes Electra a sut y mae hi a'i frawd Orestes yn dial ar eu mam Clytemnestra a'u llystad Aegisthus am lofruddio eu tad. Roedd y cynhyrchiad arbennig hwn wedi defnyddio set sy'n debyg i'r rhaglen deledu Jeremy Kyle fel cefnlun ar gyfer datblygu'r stori.

Prentis yn ennill gwobr o fri

Mae prentis Electroneg o Goleg Gŵyr Abertawe wedi ennill gwobr o fri gan y Sefydliad Peirianneg a Thechnoleg (IET).

Mae Thomas Eynon, prentis gyda Zeta Alarms Systems, wedi ennill Gwobr Rhwydwaith Lleol IET, sy'n ceisio 'gwobrwyo rhagoriaeth' myfyrwyr.

"Ers cwblhau ei dystysgrif dechnegol yn y coleg ac ymuno â Zeta, dyw Tom heb edrych 'nôl", dywedodd yr Arweinydd Cwricwlwm Steve Williams. "Mae e wedi ymroi'n llwyr i'w brentisiaeth fodern ac yn paratoi portffolio gwych o dystiolaeth."

Gwobrau 2015 yn cydnabod llwyddiant rhagorol ein myfyrwyr

Mae myfyrwyr rhagorol wedi cael eu hanrhydeddu yn seremoni Gwobrau Blynyddol 2015 Coleg Gŵyr Abertawe.

Cafodd y gwobrau eu cyflwyno yn Stadiwm Liberty, gyda'r myfyrwyr yn cynrychioli pob agwedd ar fywyd coleg, o gelf, chwaraeon a pheirianneg i fenter, ieithoedd a lletygarwch.

Unwaith eto, cafodd y noson ei llywio gan droellwr Sain Abertawe Kevin Johns MBE, noson a welodd y myfyrwyr yn cael eu hanrhydeddu am eu llwyddiannau academaidd a phersonol.