Newyddion y Coleg

Staff gafodd eu cydnabod yn y Gwobrau Gwasanaeth Hir

Cafodd dros 100 o aelodau staff o Goleg Gŵyr Abertawe eu gwahodd i ddathliad arbennig yn Stadiwm Liberty.

Sefydlwyd y Gwobrau Gwasanaeth Hir cyntaf erioed i gydnabod a diolch i'r aelodau staff hynny sydd wedi bod yn gweithio yn y Coleg am fwy nag 20 mlynedd.

Derbyniodd darlithwyr, rheolwyr a staff cymorth busnes o bob adran o'r sefydliad fagiau nwyddau wedi'u personoli cyn cael eu gwahodd i fwynhau te hufen Nadoligaidd.

Tîm pêl-droed Sgiliau Byw’n Annibynnol yn bencampwyr Ability Counts

Mae tîm pêl-droed Sgiliau Byw’n Annibynnol Coleg Gŵyr Abertawe wedi cael ei goroni’n Bencampwyr Ability Counts Cymru Cymdeithas y Colegau am y bedwaredd flwyddyn yn olynol.

Ar ôl mynd trwodd heb gael eu curo, roedden nhw wedi trechu Coleg Sir Gâr 3-0 yn y rownd gyn-derfynol a Choleg Caerdydd a’r Fro 1-0 yn y rownd derfynol gyffrous.

Roedd y tîm wedi gweithio’n galed i ennill eleni ac maen nhw’n edrych ymlaen at gynrychioli Cymru ym Mhencampwriaethau Cenedlaethol Cymdeithas y Colegau ym Mhrifysgol Nottingham yn 2018.

Myfyrwyr mathemateg ar eu ffordd i Lundain

Yn ddiweddar, roedd Coleg Gŵyr Abertawe wedi cynnal rhagbrawf Gorllewin Cymru yr Her Fathemateg Uwch.

Roedd tîm y Coleg – Han Xuanyan, Fuhao Song, Jiachen Liang, Xiyu Zhang – wedi ennill y rhagbrawf sy’n golygu eu bod yn cymhwyso ar gyfer y rowndiau terfynol cenedlaethol yn Llundain ym mis Chwefror 2018. Yno, byddan nhw’n cystadlu yn erbyn mwy na 70 o dimau ledled y DU.

Mae’r Coleg wedi cofrestru tîm bob blwyddyn am y ddeuddeng mlynedd ddiwethaf a hwn fydd ein hymweliad cyntaf â’r rowndiau terfynol cenedlaethol – da iawn i’r tîm!

Cyfleoedd cysylltiedig â gwaith i fyfyrwyr TG

Cyn bo hir bydd cyfle gan fyfyrwyr TG yng Ngholeg Gŵyr Abertawe i gyfuno eu hastudiaethau academaidd â hyfforddiant realistig yn y gweithle, diolch i bartneriaeth newydd â'r rhaglen gyflogadwyedd fyd-eang Galaxias Tech.

Mae'r Rhaglen TG Uwch yn agored i fyfyrwyr TGCh Lefel 3 nad ydynt yn bwriadu symud ymlaen i'r brifysgol ond yn hytrach yn canolbwyntio ar fireinio eu sgiliau mewn lleoliad ymarferol.

Bydd y dosbarthiadau yn rhedeg ar gampws Tycoch/Hill House y Coleg i gychwyn cyn trosglwyddo i IndyCube yn Stryd y Gwynt.

Stori llwyddiant sgiliau ar gyfer diwydiant

Mae'r prosiect Cronfa Gymdeithasol Ewrop Sgiliau ar gyfer Diwydiant yn ceisio datblygu lefel sgiliau unigolion cyflogedig, gan gynnwys cyfranogwyr hunangyflogedig sydd heb unrhyw gymwysterau ffurfiol a'r rhai sydd â chymwysterau hyd at a chan gynnwys Lefel 7.

All Wrapped Up!

Mae myfyrwyr Lefel 3 Patisserie yng Ngholeg Gŵyr Abertawe wedi bod yn brysur iawn yn cynllunio, eisio ac addurno'r darn arddangos Nadoligaidd blynyddol.

Dros y blynyddoedd diwethaf, mae'r myfyrwyr - dan arweiniad y Rheolwr Maes Dysgu a'r darlithydd patisserie Mark Clement - wedi cynhyrchu amrywiaeth o gacennau â thema gan gynnwys coeden Nadolig siocled saith troedfedd, dynion eira yn 'chilio mâs', a chyffeithiau cymhleth o'r enw Deck the Halls, Frozen a Starry Night.

Myfyrwyr Arlwyo a Lletygarwch yn llwyddo mewn cystadleuaeth

Mae dau fyfyriwr Arlwyo a Lletygarwch o Goleg Gŵyr Abertawe wedi sicrhau lle yn nhîm Carfan y DU WorldSkills, a allai olygu y byddan nhw’n cynrychioli eu gwlad yn Rownd Derfynol WorldSkills y Byd yn Rwsia yn 2019.

Cafodd y fyfyrwraig Lefel 3 Collette Gorvett ei ‘Chymeradwyo’n Uchel’ yng nghystadleuaeth y Gwasanaethau Bwyty yn Rowndiau Terfynol Cenedlaethol WorldSkills yn NEC Birmingham.

Llwyddiant nofio

Ar ddiwedd mis Tachwedd, bu tri myfyriwr sy’n astudio ar gampws Gorseinon Coleg Gŵyr Abertawe yn cymryd rhan yn Gala Nofio Ranbarthol yr Urdd. 

Daeth myfyriwr Safon Uwch Niamh Jones yn gyntaf yn y ras pili pala, gan dderbyn ei hamser gorau yn y ras.  Bu myfyriwr L3 Gwasanaethau Cyhoeddus Sam Thomas yn nofio yn y ras cefn a’r dull cymysg unigol, a bu myfyriwr Safon Uwch Dominic Waters yn nofio yn y ras broga. 

Bydd y Niamh nawr yn cymryd rhan yn y gystadleuaeth genedlaethol yng Nghaerdydd ar Ionawr 21ain 2018.  Pob lwc iddi!

Myfyrwyr Ysgoloriaeth 17/18

Mae pedwar o fyfyrwyr o Goleg Gŵyr Abertawe wedi ennill ysgoloriaethau ar gyfer y flwyddyn academaidd hon.

Bydd derbyn ysgoloriaeth yn sicrhau bod y myfyrwyr hyn yn cael cymorth ariannol a chyfannol gan y Coleg wrth iddynt gydbwyso astudio gydag ymrwymiadau chwaraeon.

Mae rhaglen ysgoloriaeth chwaraeon y Coleg yn helpu myfyrwyr sy'n arddangos gallu eithriadol mewn un o'i hacademïau chwaraeon - rygbi, pêl-droed, pêl-rwyd a chriced.

Y myfyrwyr ysgoloriaeth eleni yw:

Rhaglen gweithlu Abertawe yn parhau i dyfu

Mae rhaglen newydd sy'n ceisio cryfhau gweithlu Abertawe wedi croesawu sawl penodiad newydd i'r tîm.

Mae Gwell Swyddi, Gwell Dyfodol, sy'n cael ei redeg gan Goleg Gŵyr Abertawe, wedi recriwtio nifer o aelodau staff newydd o fewn ei dimau Gweithlu a Recriwtio i ddatblygu ymhellach eu cymorth ar gyfer busnesau lleol.

Mae Louise Dempster, Beth Fisher, Zoe Williams, a Mark James yn ymuno â'r tîm fel Cynghorwyr Gweithlu, gan helpu cyflogwyr lleol i ehangu a chryfhau eu gweithlu, a rhoi cymorth a chyngor wedi'i deilwra iddynt.