Newyddion y Coleg

Coleg yn lansio prosiect codi sbwriel

Mae staff a myfyrwyr yng Ngholeg Gŵyr Abertawe yn torchi eu llewys ac yn gwisgo menig a siacedi gwelededd uchel wrth iddynt ddechrau menter newydd i godi sbwriel o amgylch campws Gorseinon.

Mae’r prosiect cymunedol hwn yn cael ei lywio gan y Cyngh Kelly Roberts, cyn-fyfyriwr yn y Coleg, a’r Rheolwr Maes Dysgu Cynorthwyol Jenny Hill.

“Mae brwdfrydedd staff a myfyrwyr y Coleg a’r ffordd maen nhw wedi ymroi’n llwyr i’r fenter newydd hon wedi creu argraff arna i,” dywedodd y Cyngh Roberts.

Myfyrwyr rhyngwladol yn teithio o gwmpas adeg y Nadolig

Yn y cyfnod prysur cyn y Nadolig, mae ein Myfyrwyr Rhyngwladol wedi bod yn teithio o gwmpas – a mynd i hwyl yr ŵyl.

Yn gyntaf, aethon nhw i Gaerfaddon lle roedden nhw wedi ymweld â’r Baddonau Rhufeinig cyn galw heibio i farchnad Nadolig drawiadol y ddinas a’r Royal Crescent hanesyddol.

Yn ôl yn Abertawe, roedd y myfyrwyr wedi cymryd ychydig o amser i ffwrdd o’u hastudiaethau a mentro allan yn y tywydd oer i ymweld â Gwledd y Gaeaf ar y Glannau i fwynhau’r reidiau a sglefrio ar yr iâ.
 

Cyfweliadau Rhydgrawnt ar gyfer 30 o fyfyrwyr

Mae 30 o’r 43 o fyfyrwyr sy’n dilyn y Rhaglen Paratoi ar gyfer Rhydgrawnt yng Ngholeg Gŵyr Abertawe ar hyn o bryd wedi llwyddo i gael cyfweliad yn Rhydychen neu Gaergrawnt.

Mae’r rhaglen sefydledig, a addysgir ar gampws Gorseinon, yn darparu’r paratoad gorau posibl, i fyfyrwyr sy’n bwriadu symud ymlaen i Rydychen, Caergrawnt a phrifysgolion Russell Group eraill.

Staff gafodd eu cydnabod yn y Gwobrau Gwasanaeth Hir

Cafodd dros 100 o aelodau staff o Goleg Gŵyr Abertawe eu gwahodd i ddathliad arbennig yn Stadiwm Liberty.

Sefydlwyd y Gwobrau Gwasanaeth Hir cyntaf erioed i gydnabod a diolch i'r aelodau staff hynny sydd wedi bod yn gweithio yn y Coleg am fwy nag 20 mlynedd.

Derbyniodd darlithwyr, rheolwyr a staff cymorth busnes o bob adran o'r sefydliad fagiau nwyddau wedi'u personoli cyn cael eu gwahodd i fwynhau te hufen Nadoligaidd.

Tîm pêl-droed Sgiliau Byw’n Annibynnol yn bencampwyr Ability Counts

Mae tîm pêl-droed Sgiliau Byw’n Annibynnol Coleg Gŵyr Abertawe wedi cael ei goroni’n Bencampwyr Ability Counts Cymru Cymdeithas y Colegau am y bedwaredd flwyddyn yn olynol.

Ar ôl mynd trwodd heb gael eu curo, roedden nhw wedi trechu Coleg Sir Gâr 3-0 yn y rownd gyn-derfynol a Choleg Caerdydd a’r Fro 1-0 yn y rownd derfynol gyffrous.

Roedd y tîm wedi gweithio’n galed i ennill eleni ac maen nhw’n edrych ymlaen at gynrychioli Cymru ym Mhencampwriaethau Cenedlaethol Cymdeithas y Colegau ym Mhrifysgol Nottingham yn 2018.

Myfyrwyr mathemateg ar eu ffordd i Lundain

Yn ddiweddar, roedd Coleg Gŵyr Abertawe wedi cynnal rhagbrawf Gorllewin Cymru yr Her Fathemateg Uwch.

Roedd tîm y Coleg – Han Xuanyan, Fuhao Song, Jiachen Liang, Xiyu Zhang – wedi ennill y rhagbrawf sy’n golygu eu bod yn cymhwyso ar gyfer y rowndiau terfynol cenedlaethol yn Llundain ym mis Chwefror 2018. Yno, byddan nhw’n cystadlu yn erbyn mwy na 70 o dimau ledled y DU.

Mae’r Coleg wedi cofrestru tîm bob blwyddyn am y ddeuddeng mlynedd ddiwethaf a hwn fydd ein hymweliad cyntaf â’r rowndiau terfynol cenedlaethol – da iawn i’r tîm!

Cyfleoedd cysylltiedig â gwaith i fyfyrwyr TG

Cyn bo hir bydd cyfle gan fyfyrwyr TG yng Ngholeg Gŵyr Abertawe i gyfuno eu hastudiaethau academaidd â hyfforddiant realistig yn y gweithle, diolch i bartneriaeth newydd â'r rhaglen gyflogadwyedd fyd-eang Galaxias Tech.

Mae'r Rhaglen TG Uwch yn agored i fyfyrwyr TGCh Lefel 3 nad ydynt yn bwriadu symud ymlaen i'r brifysgol ond yn hytrach yn canolbwyntio ar fireinio eu sgiliau mewn lleoliad ymarferol.

Bydd y dosbarthiadau yn rhedeg ar gampws Tycoch/Hill House y Coleg i gychwyn cyn trosglwyddo i IndyCube yn Stryd y Gwynt.

Stori llwyddiant sgiliau ar gyfer diwydiant

Mae'r prosiect Cronfa Gymdeithasol Ewrop Sgiliau ar gyfer Diwydiant yn ceisio datblygu lefel sgiliau unigolion cyflogedig, gan gynnwys cyfranogwyr hunangyflogedig sydd heb unrhyw gymwysterau ffurfiol a'r rhai sydd â chymwysterau hyd at a chan gynnwys Lefel 7.

All Wrapped Up!

Mae myfyrwyr Lefel 3 Patisserie yng Ngholeg Gŵyr Abertawe wedi bod yn brysur iawn yn cynllunio, eisio ac addurno'r darn arddangos Nadoligaidd blynyddol.

Dros y blynyddoedd diwethaf, mae'r myfyrwyr - dan arweiniad y Rheolwr Maes Dysgu a'r darlithydd patisserie Mark Clement - wedi cynhyrchu amrywiaeth o gacennau â thema gan gynnwys coeden Nadolig siocled saith troedfedd, dynion eira yn 'chilio mâs', a chyffeithiau cymhleth o'r enw Deck the Halls, Frozen a Starry Night.

Myfyrwyr Arlwyo a Lletygarwch yn llwyddo mewn cystadleuaeth

Mae dau fyfyriwr Arlwyo a Lletygarwch o Goleg Gŵyr Abertawe wedi sicrhau lle yn nhîm Carfan y DU WorldSkills, a allai olygu y byddan nhw’n cynrychioli eu gwlad yn Rownd Derfynol WorldSkills y Byd yn Rwsia yn 2019.

Cafodd y fyfyrwraig Lefel 3 Collette Gorvett ei ‘Chymeradwyo’n Uchel’ yng nghystadleuaeth y Gwasanaethau Bwyty yn Rowndiau Terfynol Cenedlaethol WorldSkills yn NEC Birmingham.