Newyddion y Coleg

Lansio cyfleuster hyfforddi blaenllaw yn y sector

Mae cyfleuster newydd wedi cael ei lansio yng Ngholeg Gŵyr Abertawe a fydd yn cynnig amgylchedd hyfforddi blaenllaw yn y sector i drydanwyr sy'n gweithio mewn amodau peryglus.  

Ariannwyd Canolfan Hyfforddi CompEx Abertawe, canlyniad cydweithrediad rhwng y Coleg a Gwasanaethau Peirianneg C&P, gan y Rhaglen Blaenoriaethau Sgiliau gyda chymorth Llywodraeth Cymru.

Coleg Gŵyr Abertawe ar y rhestr fer mewn tri chategori yn y Gwobrau Adnoddau Dynol

Mae Coleg Gŵyr Abertawe wedi cyrraedd y rownd derfynol mewn tri chategori yng Ngwobrau AD Cymru 2018, sy’n cydnabod ac yn dathlu llwyddiannau gweithwyr proffesiynol a chyflogwyr ym maes AD ledled Cymru.

Wedi’i lansio yn 2017, y seremoni wobrwyo yw’r digwyddiad pwysicaf yn Rhwydwaith AD Cymru, grŵp proffesiynol blaengar sy’n rhwydweithio ac yn rhannu syniadau, a grëwyd ac a reolir gan y cwmni cyfreithiol Darwin Gray yng Nghaerdydd ac  Acorn, prif arbenigwyr recriwtio Cymru. 

Digwyddiad i gyflogwyr yn canolbwyntio ar y Fargen Ddinesig a phrentisiaethau

Mae Coleg Gŵyr Abertawe yn barod i gynnal digwyddiad brecwast busnes arbennig lle y gall cyflogwyr gael gwybod mwy am effaith Bargen Ddinesig Bae Abertawe.

Caiff y digwyddiad, sy'n cyd-fynd ag Wythnos Prentisiaethau Cymru 2018, ei gynnal yn Stadiwm Liberty ar 8 Mawrth.

Perfformiad anhygoel gan Cissy

Cafodd gwrandawyr eu diddanu gan Cissy, un o'n myfyrwyr Rhyngwladol, mewn digwyddiad a gynhaliwyd yn ddiweddar yn Amgueddfa Genedlaethol y Glannau i arddangos diwylliant Tsieina a dathlu Blwyddyn Newydd Tsieina.

Roedd y digwyddiad, a gafodd ei drefnu gan y Gymdeithas Tsieineaid yng Nghymru, wedi denu urddasolion ac ymwelwyr o'r ardal.

Mae Cissy yn chwarae'r erhu, offeryn traddodiadol Tsieina, a gofynnwyd iddi chwarae ar ôl iddi ddenu sylw mewn digwyddiad arall.

Cafodd y perfformiad ei ganmol ac roedd pawb wedi ei fwynhau. 

Coleg yn penodi Paul Kift fel Cyfarwyddwr Sgiliau a Datblygu Busnes

I ddechrau bydd Paul yn canolbwyntio ar ddatblygiad strategol Hyfforddiant GCS – braich hyfforddi busnes Coleg Gŵyr Abertawe, a darpariaeth prentisiaethau ar draws y Coleg. Bydd Paul hefyd yn arwain adrannau Cyllid Allanol a Rhyngwladol y Coleg.

Coleg yn cynnal Dydd Miwsig Cymru

Mi oedd campws Gorseinon Coleg Gŵyr Abertawe dan ei sang yr wythnos diwethaf wrth i ni ddathlu Dydd Miwsig Cymru – diwrnod cenedlaethol wedi’i sefydlu er mwyn dathlu cerddoriaeth gyfoes cyfrwng Cymraeg.  

Generation O yn barod i gamu i’r llwyfan

Mae myfyrwyr ar gwrs actio Coleg Gŵyr Abertawe, sy'n gwrs blwyddyn arbenigol, yn barod i gamu i'r llwyfan yr wythnos hon o dan gyfarwyddyd yr actor Richard Mylan.

Yn wyneb cyfarwydd ar deledu cenedlaethol, mae'r cynyrchiadau y bu Richard yn rhan ohonynt yn cynnwys Waterloo Road, Casualty, Doctors, My Family, Bad Girls a Silent Witness. Mae wedi gweithio ar sawl perfformiad yn y theatr hefyd, gan gynnwys Starlight Express yn West End Llundain.

Prentisiaid o'r Coleg yn cyrraedd y Rowndiau Terfynol

Bydd dau fyfyriwr o Goleg Gŵyr Abertawe yn cynrychioli Cymru ar y llwyfan cenedlaethol yn y cystadlaethau trydanol a phlymwaith sydd ar fin cael eu cynnal.

Cafodd Jay Popham ei enwi'n enillydd rhagbrawf rhanbarthol diweddar Cystadleuaeth Prentis Trydanol y Flwyddyn y DU SPARKS a gafodd ei gynnal ar gampws Llys Jiwbilî'r Coleg.

Anerchiad prifysgolion blaenllaw yn denu 200 o fyfyrwyr i'r Coleg

Yn ddiweddar, roedd bron 200 o fyfyrwyr Safon Uwch wedi ymgynnull ar gampws Gorseinon Coleg Gŵyr Abertawe i gael cyngor arbenigol ar ymgeisio i’r prifysgolion gorau.

Roedd yr anerchiad, a draddodwyd gan Dr Jonathan Padley, Cymrawd a Thiwtor Derbyn yng Ngholeg Churchill, Caergrawnt, wedi canolbwyntio ar yr hyn y gall Caergrawnt, Rhydychen a phrifysgolion tebyg ei gynnig a sut i ddechrau paratoi cais cryf.

Myfyriwr yn ennill medal Arian am ddylunio gwefan

Mae myfyriwr TG o Goleg Gŵyr Abertawe wedi dod yn ail yng Nghystadleuaeth Sgiliau y DU yn y categori Dylunio Gwefan Uwch a gynhaliwyd yn ddiweddar yng Ngholeg Sir Gâr.

Roedd Jordan James, sy’n astudio Diploma Lefel 3 Technoleg Gwybodaeth ar gampws Gorseinon, wedi cael y dasg o gynhyrchu gwefan i hyrwyddo Cymru fel cyrchfan i dwristiaid.