Newyddion y Coleg

Profi myfyrwyr dawnus mewn cystadleuaeth Technoleg

Yn ddiweddar, cynhaliodd Coleg Gŵyr Abertawe Ragbrawf Technoleg Cystadleuaeth Sgiliau Cymru ar Gampws Tycoch.

Roedd dros 80 o fyfyrwyr – o Goleg Pen-y-bont ar Ogwr, Coleg Caerdydd a’r Fro, Coleg Cambria, Coleg Gwent, Coleg Sir Gâr, Coleg y Cymoedd, Grŵp NPTC, Coleg Dewi Sant ac Ysgol Pen-y-bryn – wedi cymryd rhan mewn amrywiaeth o gystadlaethau ar y diwrnod gan gynnwys codio, seiberddiogelwch, rhwydweithio, cymorth TG a sgiliau cynhwysol.

Coleg yn dathlu Gwobrau Prentisiaeth 2023

Mae Coleg Gŵyr Abertawe wedi cynnal seremoni wobrwyo arbennig fel rhan o Wythnos Genedlaethol Prentisiaethau ac Wythnos Prentisiaethau Cymru 2023.

Cynhaliwyd y digwyddiad arbennig, dan ofal Ross Harries o BBC Cymru Wales Scrum V Live, ar Gampws Tycoch i anrhydeddu ymrwymiad ac ymroddiad rhagorol prentisiaid a phartneriaid cyflogwyr y Coleg o bob rhan o Gymru a Lloegr.

Gweithgareddau a defnydd o gyfleusterau am ddim yng Nghanolfan Chwaraeon y Coleg

Mae Canolfan Chwaraeon Coleg Gŵyr Abertawe yn agor ei drysau i’r gymuned leol dros yr wythnosau nesaf.

Gyda’r hwyr ac ar benwythnosau, bydd ymwelwyr â’r Ganolfan Chwaraeon yn gallu galw heibio a defnyddio rhai o’r cyfleusterau yn rhad ac am ddim.

O ddydd Llun i ddydd Gwener (4pm – 9pm) bydd diodydd poeth, bisgedi a phapurau newydd ar gael yn ogystal â gweithgareddau fel pŵl, tennis bwrdd, a gemau bwrdd.

Bydd rhai darllediadau chwaraeon byw ar gael, yn ogystal â’r cyfle i gymryd rhan mewn cwisiau a chelf/crefft.

Coleg yn cadw ei wobr Aur am fentrau lles

Mae gwobr Aur Coleg Gŵyr Abertawe mewn Safonau Iechyd Corfforaethol wedi cael ei hailachredu am bedwaredd flwyddyn.

Yn dilyn Gwiriad Statws Manwl yn ddiweddar gan Cymru Iach ar Waith, cafodd y Coleg ei ganmol am wella a chynyddu ei ddarpariaeth lles arobryn i staff.

Ymhlith y mentrau niferus y canmolwyd y Coleg amdanynt roedd:

Dau benodiad newydd sef hyfforddwr ffitrwydd a chynghorydd lles sydd ill dau wedi cychwyn llawer o weithgareddau newydd ar gyfer staff, gan gynnwys system atgyfeirio ymarfer corff sy’n cynorthwyo unigolion â phroblemau iechyd hirdymor.

Coleg yn cynnal Dydd Miwsig Cymru

Mi oedd campysau Coleg Gŵyr Abertawe dan ei sang yr wythnos diwethaf wrth i ni ddathlu Dydd Miwsig Cymru – diwrnod cenedlaethol wedi’i sefydlu er mwyn dathlu cerddoriaeth gyfoes Cymraeg.    

Bu prosiect ar y cyd rhwng y Coleg, Menter Abertawe â Llywodraeth Cymru yn golygu bod yr artistiaid Cymraeg Mellt, Mali Haf, Dafydd Mills, Mei Gwynedd a Parisa Fouladi yn chwarae ar ein llwyfannau ar gampws Tycoch, Gorseinon a Llwyn y Bryn.  

Nod yr wythnos oedd codi ymwybyddiaeth ymysg ein myfyrwyr o’r amrywiaeth mewn cerddoriaeth Gymraeg.  

Tynnu sylw at sgiliau creadigol i fyfyrwyr

Cafodd myfyrwyr ar amrywiaeth o gyrsiau celfyddydau creadigol a gweledol yng Ngholeg Gŵyr Abertawe gyfle gwych i gwrdd â chyflogwyr a darlithwyr prifysgol yn ystod arddangosfa gyntaf erioed Design 48, a gynhaliwyd ar gampysau Gorseinon a Llwyn y Bryn.

Datblygwyd y syniad y tu ôl i Design 48 gan y Coleg ar y cyd â Rachael Wheatley o Waters Creative.

Ymweld â Chyprus ar gyfer Astudiaeth Ryngwladol

Mae Hyrwyddwr Menter Coleg Gŵyr Abertawe, Claire Reid, yn mynd i Gyprus fis nesaf fel rhan o astudiaeth ryngwladol, yn edrych ar sgiliau entrepreneuraidd pobl ifanc. 

Bydd y daith, sy’n cael ei threfnu gan y Cyngor Prydeinig, yn cael ei chynnal dros bum niwrnod ac mae’n cynnwys athrawon a darlithwyr o amrywiaeth o leoliadau addysgol o bob rhan o’r DU. Byddant yn ymweld ag ysgolion, sefydliadau anllywodraethol a busnesau yn rhanbarth Nicosia. 

Coleg yn dathlu Santes Dwynwen

Wythnos diwethaf (dydd Llun 23 Ionawr) dathlodd y Coleg Ddydd Santes Dwynwen, nawddsant cariadon Cymru, ychydig yn wahanol. Penderfynom roi gwobrau am straeon newyddion da, cyfeillgar a chadarnhaol drwy ofyn i staff a dysgwyr enwebu rhywun sydd wedi bod yn gyfeillgar, yn gariadus ac wedi dangos ysbryd cymunedol yn ystod y flwyddyn ddiwethaf.   

Fest hyfforddiant menopos yn codi ymwybyddiaeth o symptomau

Anogwyd staff a myfyrwyr Coleg Gŵyr Abertawe i boethi ychydig o dan y coler pan gawsant gyfle i wisgo’r Menovest TM

Offeryn hyfforddiant menopos yw’r MenovestTM, a ddatblygwyd gan Over The Bloody Moon, ac a ddyluniwyd yn arbennig gan Thread Design i gynhyrchu’r teimladau y mae rhywun yn eu cael wrth ddioddef ‘pyliau poeth’ oherwydd y menopos.

Coleg yn noddi gwobr Plentyn Cymru

Mae Coleg Gŵyr Abertawe yn hynod falch o noddi’r categori Elusen Eithriadol unwaith eto yng Ngwobrau Plentyn Cymru 2023.

Yn ddiweddar aeth y Cyfarwyddwr Sgiliau a Datblygu Busnes Paul Kift a Phennaeth Hyfforddiant GCS Bruce Fellowes i ginio arbennig i noddwyr i baratoi at y digwyddiad, a gynhelir ar 24 Mawrth yng Ngwesty Mercure Holland House, Caerdydd.

Mae hwn yn ddigwyddiad gwych sy’n cydnabod ymdrechion a chyflawniadau plant dewr, eu teuluoedd a’r elusennau sy’n eu cefnogi.