Roedd adran Ryngwladol Coleg Gŵyr Abertawe wedi cynnal digwyddiad ‘ymgyfarwyddo â chanol y ddinas’ ar gyfer ei charfan newydd o fyfyrwyr.
Uchafbwynt y diwrnod oedd blasu cocos, bara lawr a phice ar y maen ym Marchnad Abertawe – diolch yn fawr iddyn nhw am ddarparu’r bwydydd blasus am ddim!
Mae Campws Gorseinon wedi croesawu cyfanswm o 36 o fyfyrwyr Safon Uwch newydd ym mis Medi o wledydd megis Tsieina, Hong Kong, Taiwan, De Corea, Singapôr a’r Aifft.
