Therapi Tylino Chwaraeon Lefel 4 - Tystysgrif 
Trosolwg
Mae VTCT Tystysgrif Lefel 4 mewn Therapi Tylino Chwaraeon yn gymhwyster galwedigaethol a fydd yn eich paratoi ar gyfer gyrfa fel ymarferydd tylino chwaraeon sy’n gweithio gyda chleientiaid sydd wedi’u hanafu.
Yn benodol, bydd y cymhwyster hwn yn datblygu eich gwybodaeth a’ch dealltwriaeth o anatomeg a ffisioleg i weithio ar anafiadau ôl-aciwt a chyflyrau sy’n bodoli eisoes, gan ymdrin ag anafiadau cyhyrysgerbydol a phara-tendon.
Byddwch yn datblygu’r sgiliau i gynnal asesiadau goddrychol a gwrthrychol, a fydd yn cwmpasu ystod o symudiadau gweithredol, goddefol a gwrthsafol, dadansoddiad ystumiol manwl, profion gweithredol a phrofion arbennig. Byddwch hefyd yn datblygu’r sgiliau i weithio’n ddiogel ac yn effeithiol ar anafiadau i’r cyhyrau a phara-tendon gan ddefnyddio amrywiaeth o dechnegau meinwe feddal a byddwch yn gallu rhoi cyngor ar ddulliau triniaeth i helpu i atgyweirio meinwe feddal.
- Cynnal Asesiad Goddrychol ac Wrthrychol
- Darparu Technegau Tylino Chwaraeon i Atal a Rheoli Anafiadau
- Dulliau Triniaeth i Helpu i Atgyweirio Meinwe Feddal.
Manyleb lawn y cwrs ar wefan VTCT.
Gwybodaeth allweddol
- Byddwn yn derbyn cymhwyster Lefel 3 mewn therapi tylino chwaraeon neu’r cyfwerth
- Cyfweliad
- Bydd angen i ymgeiswyr nad yw’r Saesneg yn iaith gyntaf iddynt feddu ar gymhwyster ESOL Lefel 1.
Asesiad ymarferol parhaus, arholiadau, astudiaethau achos ac aseiniadau ysgrifenedig. Bydd disgwyl i fyfyrwyr astudio gartref, gan gynnwys gwaith cwrs ysgrifenedig ac ymarferol.
Bydd y cymhwyster hwn yn eich paratoi ar gyfer cyflogaeth fel ymarferydd tylino chwaraeon sy’n gweithio gyda chleientiaid wedi’u hanafu. Bydd dysgwyr sy’n cwblhau’r cymhwyster hwn yn gallu cael cyflogaeth ac yswiriant i weithio fel ymarferydd tylino chwaraeon.
Mae cyfleoedd cyflogaeth yn bodoli mewn amrywiaeth o leoliadau, gan gynnwys:
- Clybiau iechyd preifat a chanolfannau hamdden
- Canolfannau a chlybiau chwaraeon
- Gweithio’n annibynnol.
Rhaid i ddysgwyr brynu crys polo.
Byddwn yn cadarnhau costau yn ystod y cyfweliad.