Sgiliau Gwnïo

Ydych chi erioed wedi breuddwydio am greu eich dillad chwaethus eich hun neu berffeithio ffit eich dillad? P’un a ydych chi’n ddechreuwr pur neu’n gobeithio mireinio’ch sgiliau, bydd y cwrs hwn yn eich tywys trwy fyd cyffrous gwneud dillad, o feistroli peiriant gwnïo i ddylunio a gwneud dillad wedi’u teilwra i chi.

Gydag arweiniad arbenigol mewn amgylchedd stiwdio cefnogol a chreadigol, byddwch chi’n magu hyder wrth wnïo, creu dillad a thorri patrymau, ar draws tri thymor:

Tymor un

Yn berffaith i’r rhai sy’n newydd i wnïo, mae’r tymor hwn yn eich cyflwyno i ddefnyddio peiriant gwnïo domestig a pheiriant ‘overlocker’. Byddwch chi’n ennill sgiliau datrys problemau hanfodol ac yn creu eitem syml wedi’i gwnïo, fel bag cario chwaethus, er mwyn ymarfer technegau gwnïo sylfaenol.

Tymor dau

Gan adeiladu ar y pethau sylfaenol, byddwch chi’n gweithio gyda phatrwm gwnïo masnachol o’ch dewis i greu dilledyn. Byddwch chi’n archwilio technegau dewis ffabrig, gwnïo, hemio, a gorffen dillad, gan ddatblygu sgiliau yn hyderus i ddod â phatrwm gwnïo yn fyw.

Bydd angen rhywfaint o brofiad blaenorol o ddefnyddio peiriant gwnïo. Mae cwblhau tymor un yn fuddiol.

Tymor tri

Yn y cam olaf hwn, byddwch yn camu i fyd torri patrymau, gan ddysgu sut i ddrafftio’ch patrymau gwnïo eich hun yn seiliedig ar eich mesuriadau unigryw. Byddwch yn gadael gyda set o dempledi personol, gan eich grymuso i ddylunio a chreu dillad wedi’u teilwra gyda ffit perffaith.

Bydd angen rhywfaint o brofiad blaenorol o ddefnyddio peiriant gwnïo a gwybodaeth sylfaenol o wnïo dillad. Mae cwblhau tymor un a dau yn fuddiol.

Yr hyn fydd ei angen arnoch:

Darperir yr holl offer gwnïo a thorri patrymau hanfodol, ond rydym yn argymell yn fawr eich bod yn berchen peiriant gwnïo fel y gallwch ymarfer eich sgiliau y tu allan i wersi.