Gweinyddwr Diogelwch a Chydymffurfiaeth Gwybodaeth Cysylltiol Achrededig Microsoft (SC400) - Cymhwyster
Ffôn: 01792 284400 E-bost: training@gcs.ac.uk
Trosolwg
Mae’r cymhwyster hwn yn rhoi cyfle i ddysgwyr ddysgu sut i ddiogelu gwybodaeth wrth ddefnyddio Microsoft 365.
Gan ganolbwyntio ar reoli cylch bywyd data a chydymffurfio â rheoliadau eich sefydliad, bydd y cwrs yn ymdrin â pholisïau atal data, mathau o wybodaeth sensitif, labeli sensitifrwydd, polisïau cadw data, Microsoft Purview Message Encryption, archwilio, eDiscovery, rheoli risgiau mewnol a phynciau cysylltiedig eraill.
Bydd dysgwyr yn cael derbyn cymorth ar ôl cwblhau’r cwrs i ymgymryd ag arholiad SC400, er mwyn ennill statws achrededig.
Mae sefyll yr arholiad SC400 yn ofyniad o ran sicrhau cyllid, felly bydd disgwyl i bob myfyriwr rannu canlyniad yr arholiad gyda Choleg Gŵyr Abertawe.
Gwybodaeth allweddol
Mae gweinyddwr diogelu gwybodaeth yn newid gofynion risg a chydymffurfiaeth sefydliad i weithrediadau technegol. Maent yn gyfrifol am weithredu a rheoli atebion ar gyfer dosbarthu cynnwys, atal data, diogelu gwybodaeth, rheoli cylch bywyd data, rheoli cofnodion, preifatrwydd, risgiau a chydymffurfiaeth.
Maent hefyd yn gweithio gydag unigolion eraill sy'n gyfrifol am lywodraethu, data a diogelwch i werthuso a datblygu polisïau er mwyn i’r afael â nodau lleihau risg a chydymffurfio’r sefydliad. Mae'r rôl hon yn helpu gweinyddwyr llwyth gwaith, perchnogion cymwysiadau busnes, adrannau adnoddau dynol a rhanddeiliaid cyfreithiol er mwyn gweithredu datrysiadau technoleg sy'n cefnogi polisïau a rheolaethau angenrheidiol.
Bydd gan ddysgwyr brofiad o ddefnyddio rhaglenni Microsoft 365, gan gynnwys:
- Microsoft 365 Apps
- Microsoft 365 Exchange Online
- Microsoft SharePoint
- Microsoft OneDrive
- Microsoft Teams
Bydd dysgwyr hefyd yn gyfarwydd â defnyddio PowerShell.
Testunau
- Gweithrediadau Diogelu Gwybodaeth Microsoft 365.
- Gweithredu camau Atal Data
- Gweithredu Cylch Bywyd Data a Rheoli Cofnodion
- Monitro ac archwilio data a gweithgareddau gan ddefnyddio Microsoft Purview
- Rheoli risgiau mewnol a Phreifatrwydd Risgiau gan ddefnyddio Microsoft 365
Llwybrau Dysgu Ardystiedig Microsoft yn ymwneud â Gweithrediadau Diogelwch Azure a rolau Diogelwch Rhwydwaith.
Bydd y cymhwyster yn cael ei gyflwyno gan bartneriaid Coleg Gŵyr Abertawe, Stable, sy’n arweinwyr mewn Addysg Ardystiedig Microsoft.