Cyflwyniad i Gynnal a Chadw Systemau Cerbydau Lefel 1 - Diploma
Trosolwg
Ar y cwrs blwyddyn hwn, byddwch yn astudio egwyddorion sylfaenol systemau mecanyddol a thrydanol a ddefnyddir mewn technoleg cerbydau modur. Bydd yn rhoi cipolwg i chi ar yrfa yn y diwydiant gwasanaethu ac atgyweirio cerbydau modur ac yn eich annog i gyflawni tasgau cynnal a chadw ac atgyweirio.
Unedau Gorfodol:
- Systemau iro injan
- Systemau oeri injan
- Systemau tanwydd a gwacáu
- System tanio gwreichionen
- Systemau trydanol
- Systemau brecio
- Systemau llywio a hongiad
- Systemau olwynion a theiars
- Systemau trawsyrru
- Deunyddiau, ffabrigo, offer a dyfeisiau mesur a ddefnyddir yn yr amgylchedd modurol.
Astudiaethau Ychwanegol:
- Sgiliau gwaith mainc a llenfetel
- Datblygu sgiliau llythrennedd digidol, llythrennedd, rhifedd a chyflogadwyedd.
Gwybodaeth allweddol
- Graddau D-E ar lefel TGAU gan gynnwys Saesneg, Mathemateg a Gwyddoniaeth
- Diddordeb brwd yn y pwnc
- Mae’n bosibl y bydd angen i chi wneud prawf gallu os nad oes gennych y graddau TGAU gofynnol i sicrhau bod gennych ddealltwriaeth gadarn o lythrennedd a rhifedd.
Addysgir y cwrs trwy arddangosiadau ymarferol wedi’u hategu gan dasgau gwaith realistig, lle mae’r pwyslais ar eich gallu i ddangos y sgiliau gofynnol gan ddefnyddio offer o safon diwydiant. Addysgir gwybodaeth sylfaenol ar gyfer pob uned yn yr ystafell ddosbarth, lle cewch eich annog i gymryd rhan mewn amrywiaeth o weithgareddau sy’n canolbwyntio ar y dysgwr.
Mae’n bosibl y bydd dysgwyr llwyddiannus yn cael cyfle i barhau â’u hastudiaethau a symud ymlaen i’r rhaglen Cynnal a Chadw Cerbydau Lefel 2.
Mae’r eitemau canlynol yn offer hanfodol er mwyn cwblhau’r cwrs:
- Cyfarpar diogelu personol sy’n cydymffurfio â safonau diogelwch Prydeinig
- Deunydd ysgrifennu amrywiol
- Trwydded pecyn dysgu electronig Electude.