Cyflwyniad i Wneud Bag Tôt Lefel 2
Trosolwg
Oherwydd yr ymdrech i ddileu plastigion untro mae cyfle wedi codi i leihau ein dibyniaeth ar fagiau siopa. Bydd y cwrs hwn yn eich helpu i ddatblygu’r sgiliau i weithgynhyrchu eich bagiau tôt eich hun sydd wedi’u dylunio a’u haddurno i gyd-fynd â’ch steil a’ch personoliaeth unigryw.
Mae’r cwrs yn cynnwys 10 sesiwn tair awr o hyd ac yn ystod y cyfnod hwn byddwch yn dysgu sut i wneud y templed ar gyfer eich tôt, byddwch yn cael llawer o gyfle i arbrofi gyda phaent a lliwiau ffabrig ynghyd â thechnegau gwnïo ac addurno fel clytwaith, cwiltio, brodwaith, a gleinwaith.
Peidiwch â phoeni, ni fydd yn waith caled i gyd, bydd amser ar gyfer sgyrsiau dros baned o de/coffi i ddod i adnabod eich cyd-grefftwyr a chael eich ysbrydoli gan yr awyrgylch creadigol.
Erbyn diwedd y cwrs byddwch wedi cynhyrchu’ch tôt eich hun, wedi’i ddylunio i’ch manylebau y gallwch ei drysori am byth. Heb sôn am y ffaith y byddwch wedi datblygu llawer o sgiliau newydd ac wedi gwneud llawer o ffrindiau newydd sydd â’r un meddylfryd â ti.
Gwybodaeth allweddol
Nid oes angen profiad.
Addysgir y cwrs hwn gan diwtor cymwysedig a phrofiadol a’i asesu trwy weithgareddau ymarferol, tystiolaeth ysgrifenedig/weledol a’r eitem derfynol – ac mae hyn oll yn cael ei gofnodi yn y dosbarth.
Bydd yr holl eitemau a gynhyrchir yn cael eu cofnodi’n ffotograffig a’u cynnwys mewn gweithlyfrau wedi’u datblygu’n arbennig.
Addysgir y cwrs dros 10 wythnos, gyda un sesiwn tair awr yr wythnos.
- Parhad Cyrsiau Agored
- Celf a Dylunio Lefel 2
- Celf a Dylunio Lefel 3
- Diploma Sylfaen mewn Celf a Dylunio.
Darperir yr holl offer.