Pobl ifanc fedrus yn mynd i ornest Budapest

Cyhoeddwyd y bydd y prentisiaid medrus ifanc gorau o Gymru, Lloegr, yr Alban a Gogledd Iwerddon yn cael eu dewis i gynrychioli'r DU yn y gystadleuaeth sgiliau fwyaf pwysig a nodedig yn Ewrop.

Yn eu plith mae Collette Gorvett, myfyriwr Lletygarwch Coleg Gŵyr Abertawe.

Bydd Tîm y DU - sy'n mynd i Rownd Derfynol EuroSkills yn Budapest rhwng 26 a 28 Medi - yn cynnwys 22 o gystadleuwyr elit sy'n fedrus mewn amrywiaeth eang o ddisgyblaethau o beirianneg i adeiladu, digidol i greadigol.

Rownd Derfynol EuroSkills, sy'n cynnwys timau o bob rhan o Ewrop, yw'r olaf cyn i'r DU adael yr UE y flwyddyn nesaf.  

Dywedodd Dr Neil Bentley, Prif Swyddog Gweithredol WorldSkills UK sy'n dewis a hyfforddi Tîm y DU i'r safon ryngwladol uchaf: "Bydd hwn yn gyfle fydd yn gwella bywydau’r bobl ifanc hynod hyn.

"Ar ôl Brexit, bydd ein llwyddiant economaidd fel cenedl yn dibynnu ar ein gallu i gau'r prif gytundebau masnach a denu mewnfuddsoddiad - a bydd hyn bob amser yn golygu dangos bod gyda ni bobl sydd â'r sgiliau cywir.

Mae Tîm y DU yn ymgorffori nid yn unig y mathau o deithi a nodweddion y dylem ddyheu amdanynt mewn gweithlu ifanc, ond hefyd uchelgeisiau Llywodraeth y DU i gael Prydain Fyd-eang hefyd.

"Arweinwyr eu cenhedlaeth ydyn nhw - a byddan nhw’n ysbrydoli llawer mwy i gerdded yn eu hôl-troed."

Bydd llywodraethau a diwydiant yn gwylio gyda diddordeb i feincnodi pa mor dda y mae Tîm y DU yn perfformio o'i gymharu â phrif gystadleuwyr Ewropeaidd y wlad. Yn rownd derfynol flaenorol Euroskills, a gynhaliwyd yn 2016 yn Gothenburg – daeth Tîm y DU yn seithfed.

Er mwyn sicrhau lle yn Nhîm y DU, mae'r prentisiaid a'r dysgwyr wedi bod trwy broses ddethol gynhwysfawr, gan gymryd rhan yng Nghystadlaethau Cenedlaethol WorldSkills y DU – cynhelir rownd derfynol y gystadleuaeth nodedig hon yn WorldSkills UK LIVE.

Bydd llunwyr polisi, addysgwyr a phartneriaid diwydiant yn Ewrop yn dod i'r digwyddiad - ynghyd â 80,000 o wylwyr (disgwyliedig).

Tîm y DU: 

DIWEDD

Nodiadau i Olygyddion:

Ynghylch WorldSkills UK

Mae WorldSkills UK wedi bod ar flaen y gad o ran datblygu sgiliau rhyngwladol am 65 mlynedd trwy ei aelodaeth o WorldSkills International, sy'n trefnu'r 'Gemau Olympaidd Sgiliau' bob dwy flynedd.

Gan newid y sgwrs genedlaethol am fawredd prentisiaethau a sgiliau galwedigaethol, rydym yn creu modelau rôl hyderus, arobryn, o safon fyd-eang, o bob cefndir, sy'n mynd ymlaen i ysbrydoli eraill i ddilyn yn eu hôl-troed.

Rydym yn sefydliad annibynnol sy’n gweithio gyda rhwydwaith o arbenigwyr o fyd addysg a a byd diwydiant sydd wedi dod ynghyd i helpu’r DU i fynd yn bellach, yn gynt.

WorldSkills UK LIVE (gynt y Sioe Sgiliau), sy’n denu mwy na 70,000 o bobl ifanc, yw’r digwyddiad sgiliau rhyngweithiol mwyaf yn y wlad – ac mae’n cael ei gynnal yn yr NEC, Birmingham ym mis Tachwedd (15-17).

I gael gwybodaeth ewch i www.worldskillsuk.org

GWYBODAETH Y CYFRYNGAU GAN DAN KIRKBY 07785 392735 dan@dkpr.co.uk