Safon Uwch Ffotograffiaeth
Trosolwg
Dewch i gychwyn taith greadigol trwy fyd cyfareddol ffotograffiaeth ar ein cwrs Safon Uwch Ffotograffiaeth. Nod y cwrs yw datblygu eich sgiliau technegol a’ch gweledigaeth gelfyddydol wrth feithrin eich diddordeb angerddol mewn gwneud delweddau.
Drwy gydol y rhaglen, byddwch yn:
- Ymddiddori mewn aseiniadau ymarferol wythnosol sy’n archwilio technegau ffotograffig amrywiol, yn ddigidol ac yn draddodiadol
- Profiad o weithio gyda ffilm a gwneud eich printiau ystafell dywyll du a gwyn eich hun
- Cael gweithdai penodol i ddysgu sut i ddefnyddio camera DSLR yn effeithiol
- Arbofi â chyfansoddiad a goleuadau stiwdio o safon diwydiant
- Cael gwersi pwrpasol mewn meddalwedd dysgu golygu digidol - Adobe Photoshop
- Archwilio gwaith ffotograffwyr enwog.
Canlyniadau’r Cwrs
- Bod yn hyderus wrth ddefnyddio camera DSLR â llaw
- Profiad o ffotograffiaeth digidol a thraddodiadol
- Datblygu hyfedredd mewn meddalwedd golygu delweddau
- Mireinio eich arddull eich hun a datblygu eich persbectif unigryw
- Ar ddiwedd y cwrs bydd gennych brosiect portffolio, fydd yn dangos eich lluniau gorau a’ch twf fel artist gweledol.
Gwybodaeth allweddol
- O leiaf saith gradd A*-C ar lefel TGAU, gan gynnwys Saesneg Iaith
- Brwdfrydedd cryf dros ffotograffiaeth ac angerdd go iawn am ddal y byd trwy lens camera
- Argymhellir TGAU Ffotograffiaeth neu gymhwyster TGAU yn un o’r Celfyddydau Creadigol, ond nid yw hyn yn hanfodol
- Nid oes angen profiad o ffotograffiaeth, ond byddai gwybodaeth sylfaenol o weithredu camera a meddalwedd golygu delweddau yn fanteisiol.
Cewch dair sesiwn yr wythnos, gan gynnwys gwers ymarferol ddwbl, a dwy wers sengl.
Yn ogystal, bydd disgwyl i weithio’n annibynnol y tu allan i’r Coleg i ddatblygu’r hyn rydych wedi’i ddysgu yn ymarferol yn wythnosol.
Asesir y cwrs trwy feirniadaethau drwy gydol y cwrs, adolygiadau bob hanner tymor, asesiad mewnol ac asesiad allanol trwy’r corff arholi.
Mae’r meini prawf graddio fel y gosodwyd gan fwrdd arholi CBAC yn cynnwys y pedwar amcan asesu:
- AA1 Dealltwriaeth Gyd-destunol
- AA2 Gwneud Creadigol
- AA3 Cofnodi Myfyriol
- AA4 Cyflwyniad Personol.
Blwyddyn 1 (100% gwaith cwrs heb unrhyw arholiadau)
- Safon UG Uned 1 Yr Ymholiad Creadigol Personol
- 40% o’r cymhwyster.
Blwyddyn 2 (100% gwaith cwrs heb unrhyw arholiadau)
- Safon Uwch Uned 2 – Ymchwiliad Personol
- 36% o’r cymhwyster
- Safon Uwch Uned 3 – Aseiniad a Osodir yn Allanol
- 24% o’r cymhwyster (mae’n cynnwys cyfnod ffocws parhaus 15 awr).
Ar ôl cwblhau’r cwrs Safon Uwch Ffotograffiaeth, bydd gennych y sgiliau i ddilyn addysg uwch neu yrfaoedd yn y diwydiant creadigol.
Gallech ddewis astudio ffotograffiaeth, y celfyddydau cain, neu ddylunio ar lefel uwch, fel cwrs sylfaen neu raglen gradd.
Diploma Sylfaen Celf a Dylunio yng Ngholeg Gŵyr Abertawe.
Gallai llwybrau gyrfa gynnwys ffotograffiaeth broffesiynol, ffotonewyddiaduraeth, dylunio graffig, hysbysebu, y cyfryngau a marchnata digidol.
Mae’r sgiliau a enillir yn ystod y cwrs hwn, fel llythrennedd gweledol, meddwl yn feirniadol, datrys problemau, a golygu digidol, yn drosglwyddadwy ac yn cael eu gwerthfawrogi’n fawr yn y byd heddiw lle mae delweddau i’w gweld ym mhob man.
Byddai mynediad i gamera digidol personol DSLR gyda swyddogaethau llaw yn fuddiol.
Mae ffi stiwdio £30 ar gyfer pob blwyddyn y cwrs.
Mae myfyrwyr yr ail flwyddyn yn dathlu eu gwaith mewn arddangosfa diwedd blwyddyn.
Mae myfyrwyr Ffotograffiaeth CGA wedi ennill mewn nifer o gategorïau yn yr Eisteddfod Genedlaethol yn ystod y blynyddoedd diwethaf.