Marchnata Digidol Lefel 3 - Prentisiaeth
Trosolwg
Bwriedir y brentisiaeth hon i ddysgwyr sy’n gyflogedig mewn rôl farchnata addas, sy’n defnyddio ac yn cefnogi brandio ac hyrwyddo ar-lein y cwmni. Mae’n fwyaf addas ar gyfer sefydliadau neu adrannau TG sy’n rheoli eu gwaith marchnata eu hunain.
Mae dysgwyr addas yn cynnwys y rhai sydd mewn rolau cyfryngau cymdeithasol a marchnata digidol, fel cynorthwywyr cyfryngau cymdeithasol, ymgynghorwyr cyfryngau cymdeithasol, dadansoddwyr cyfryngau cymdeithasol, swyddogion ymgysylltu â’r gymuned, cynorthwywyr cyfrifon digidol, cynorthwywyr marchnata digidol, swyddogion cyfathrebu digidol, dylunwyr gwe, rheolwyr marchnata symudol a rheolwyr marchnata digidol.
Gellir defnyddio’r brentisiaeth i uwchsgilio staff presennol neu newydd.
Gwybodaeth allweddol
Bydd dysgwyr yn cael tiwtor/aseswr dynodedig a fydd yn gweithio’n agos gyda’r dysgwyr a’r cyflogwr i sicrhau bod y lefel a ddewiswyd yn addas ar gyfer rolau unigol yn ogystal â sgiliau a gwybodaeth blaenorol.
Addysgir y brentisiaeth o bell gan ddefnyddio Microsoft Teams, gyda hyfforddiant wyneb yn wyneb ar gael os bydd angen. Bydd y dysgwr a’r cyflogwr yn cytuno ar ddyddiadau ac amserau i sicrhau cyn lleied o darfu ag sy’n bosibl i’r sefydliad.
Unedau gorfodol
- Deall yr amgylchedd busnes
- Deall gofynion cyfreithiol, rheoleiddiol a moesegol mewn gwerthu a marchnata
- Defnyddio technoleg gydweithredol
- Egwyddorion marchnata a gwerthuso
- Datblygu eich proffesiynoldeb eich hun
- Metrigau a dadansoddeg marchnata digidol
Unedau dewisol
Mae’r unedau dewisol sydd ar gael ar gyfer y brentisiaeth yn cynnwys:
- Egwyddorion hysbysebu a hyrwyddo ar y cyfryngau cymdeithasol
- Marchnata ar beiriannau chwilio
- Marchnata cynnwys
- Marchnata ar e-bost
- Meddalwedd fideo
- Meddalwedd gwefan
- Egwyddorion geiriau allweddol ac optimeiddio
- Rheoli prosiect a llawer mwy!
Er mwyn cwblhau’r brentisiaeth yn llwyddiannus, bydd dysgwyr yn creu portffolio o dystiolaeth sy’n cynnwys dogfennau, e-byst, taenlenni a sgrinluniau o’r gwaith sy’n cael ei wneud.
Caiff y portffolio ei adolygu yn ystod y cyfarfodydd un-i-un rheolaidd gyda thiwtoriaid/aseswyr a’i ddefnyddio at ddibenion asesu. Mae Coleg Gŵyr Abertawe yn defnyddio Aseswr Clyfar sef offeryn rheoli asesiadau ar-lein, gan roi modd i’r darparwr, y dysgwr a’r cyflogwr olrhain cynnydd y dysgwr yn effeithiol.