Newyddion y Coleg

Diweddariad gan y Pennaeth Mark Jones (6 Awst)

Yn ystod y dyddiau diwethaf rydym wedi derbyn canllawiau gan Lywodraeth Cymru ynghylch y trefniadau ar gyfer ailagor colegau addysg bellach a thrafnidiaeth ar gyfer ysgolion a cholegau. 

Mae’r canllaw hwn yn caniatáu i ni ddychwelyd at ddarparu addysgu wyneb yn wyneb i’n myfyrwyr amser llawn, ar yr amod eu bod yn cael eu rheoli mewn carfannau. ‘Cynllun A’ yw enw’r cynllun hwn.

Dyfodol disglair i fyfyrwyr Mynediad

Mae dros 220 o fyfyrwyr Mynediad yng Ngholeg Gŵyr Abertawe wedi cael eu Diplomâu yr haf hwn.

Mae 92% o’r rheini wedi sicrhau’r lle prifysgol o’u dewis ar raglenni sy’n cynnwys nyrsio, bydwreigiaeth, y gyfraith a gwaith cymdeithasol.

Mae hyn yn newyddion gwych ar ôl yr hyn sydd wedi bod yn flwyddyn academaidd heriol iawn.

Un o’r myfyrwyr sy’n mynd i’r brifysgol yw Melenie Jane Box, a ddechreuodd yn y Coleg ar gwrs Sgiliau Hanfodol Lefel 2 cyn symud ymlaen i gwrs Mynediad i’r Gyfraith Lefel 3.

Tiwtor/Aseswr Peirianneg a chyn-fyfyriwr yn ennill gwobr “Cydweithredu Diwydiannol Academaidd Gorau”

Mae Elizabeth (Lizzie) Roberts, Tiwtor/Aseswr Peirianneg yng Ngholeg Gŵyr Abertawe a chyn-fyfyriwr HNC, HND a NVQ Lefel 4 wedi cipio’r wobr Cydweithredu Diwydiannol Academaidd Gorau gan Brifysgol Cymru y Drindod Dewi Sant o ganlyniad i’w phrosiect traethawd gradd Baglorion Peirianneg Dosbarth Cyntaf.

Coleg Gŵyr Abertawe yn arwyddo partneriaeth ag ysgol Tsieineaidd

Cynhaliwyd seremoni arwyddo unigryw ac arbennig iawn ddydd Mercher 1 Gorffennaf rhwng Coleg Gŵyr Abertawe ac Ysgol Arbrofol Ieithoedd Tramor Huashang, Talaith Guangdong, Tsieina.

Mae Ysgol Arbrofol Ieithoedd Tramor Huashang yn ysgol ryngwladol gydag addysg gynradd, iau ac uwchradd, ar gampws sydd tua 60,000 metr sgwâr.

Mae rhyngwladoli yn flaenoriaeth i Goleg Gŵyr Abertawe, ac mae’n croesawu myfyrwyr o Tsieina bob blwyddyn i astudio amrywiaeth o raglenni, gan gynnwys ein cyrsiau Safon Uwch.

Seremoni raddio rithwir i fyfyrwyr rhyngwladol

Diolch i ryfeddodau technoleg ddigidol, cafodd ein myfyrwyr rhyngwladol seremoni raddio wahanol iawn i flynyddoedd blaenorol.

Ar 29 Mehefin, roedd ein myfyrwyr Safon Uwch wedi mynd i ddigwyddiad ar-lein, a oedd â nifer o negeseuon gan staff ar draws y Coleg, gan gynnwys y Pennaeth, Mark Jones.

Roedd y myfyrwyr wedi mwynhau sioe sleidiau o’u rhaglen gymdeithasol cyn i Terry Summerfield, Tiwtor Rhyngwladol, gyflwyno’r tystysgrifau.

Hyb Cyflogaeth yn ailagor – gan gadarnhau ymrwymiad i fynd i’r afael â diweithdra

Mark Jones, Pennaeth Coleg Gŵyr Abertawe sy’n esbonio sut mae’r Coleg yn bwriadu helpu pobl i gael y cymorth sydd ei angen arnynt i sicrhau a chadw cyflogaeth.

O’r holl heriau rydym wedi’u hwynebu yn ystod y misoedd diwethaf o ganlyniad i bandemig Covid-19, ac o bosibl yr un fwyaf sy’n dal o’n blaenau, yw’r rhagamcanion y gallai tua 7.6 miliwn o swyddi neu tua 24% o weithlu’r DU fod mewn perygl oherwydd y cyfnod clo.

Neges ddiweddar gan y Pennaeth, Mark Jones (16 Gorffennaf)

Mae’r cyhoeddiad a wnaed yr wythnos diwethaf gan y Gweinidog Addysg, Kirsty Williams, i bob pwrpas yn golygu ein bod bellach wedi cael cymeradwyaeth i lunio ail gynllun ar gyfer mis Medi yn seiliedig ar bresenoldeb corfforol myfyrwyr Coleg 16-18 oed ar y campws.

Diwrnod Iechyd a Lles 2020 - y flwyddyn yr aeth yn rhithwir!

Yn ddiweddar, cynhaliodd Coleg Gŵyr Abertawe ei drydydd Diwrnod Iechyd a Lles blynyddol - ei ddiwrnod rhithwir cyntaf erioed!

Roedd dros 400 aelod o staff wedi mwynhau’r sesiynau lles a oedd yn gyfuniad o sesiynau fideo byw a recordiwyd ymlaen llaw ar YouTube a gweminarau byw ar Zoom a Microsoft Teams.

Roedd y sesiynau'n cynnwys:

Enwebiad gwobr am broses arbed papur

Mae Coleg Gŵyr Abertawe wedi cyrraedd rhestr fer Gwobrau Di-bapur y Sector Cyhoeddus 2020.

Mae’r Coleg wedi cyrraedd rhestr fer y categori Prosesau am ei waith yn lleihau’r gwaith papur sy’n gysylltiedig â’i ddatgeliadau iechyd myfyrwyr a’i weithdrefnau cynlluniau gofal.

Yn hanesyddol, ar ddechrau pob blwyddyn academaidd, gofynnwyd i bob myfyriwr lenwi ffurflen feddygol ar bapur lle maen nhw’n hysbysu’r Coleg o unrhyw gyflyrau meddygol neu iechyd a allai effeithio arnynt wrth astudio.

Myfyrwyr yn cynhyrchu arddangosfa ffasiwn rithwir

Roedd arddangosfa Gradd Sylfaen Dylunio Ffasiwn a Thecstilau eleni yn wahanol iawn i’r arfer. Roedd y cyfyngiadau ar symud yn golygu na allai myfyrwyr gynnal sioe gorfforol, ac felly fe wnaethant arddangos eu gwaith trwy dudalen Instagram bwrpasol.

Roedd pedwar myfyriwr wedi cofrestru ar y cwrs Gradd Sylfaen Dylunio Ffasiwn a Thecstilau eleni; Sheeza Ayub, Amy Convery, Susan McCormok a Bitney Pyle. Achredir y cwrs gan Brifysgol Swydd Gaerloyw.