Gallwch wella eich cyfleoedd cyflogadwyedd trwy astudio cyrsiau am ddim gyda Choleg Gŵyr Abertawe.
Ydych chi’n barod i ddarganfod cyfleoedd newydd a gwella eich sgiliau? Dyma bwrpas Sgiliau ar gyfer Abertawe, sef casgliad o gyrsiau am ddim* a ddarperir gan Goleg Gŵyr Abertawe ar gyfer unigolion sy’n byw neu yn gweithio yn Abertawe.
Mae’r cyrsiau wedi’u cynllunio i ddysgu rhywbeth newydd i unigolion a gwellau eu sgiliau cyflogadwyedd. Mae’r prosiect yn cwmpasu ystod eang o gyrsiau am ddim sydd wedi’u teilwra i ddiwallu gofynion amrywiol yr economi leol.
Mae’r Coleg yn ymrwymedig i gefnogi unigolion 19+ ar eu taith tuag at ailhyfforddi ac uwchsgilio, a thrwy ein dealltwriaeth dda o’r dirwedd economaidd leol, rydym yn cynnig amrywiaeth eang o gyrsiau er mwyn hybu sgiliau.
Rhestr o’r cyrsiau sydd ar gael:
- Sgiliau Digidol
- Marchnata Digidol
- Gwasanaeth Cwsmeriaid
- Asesu Risg
- Ymwybyddiaeth Amgylcheddol
- Ynni Gwyrdd a Chynaliadwyedd
- Iechyd a Diogelwch
- Cynnal a Chadw Beiciau
- Rheoli Cyfleusterau
Rydym eisoes yn cynnig y cyrsiau uchod. Ewch i wefan y Coleg am ragor o wybodaeth ynglŷn â dyddiadau cychwyn y cyrsiau.
Dywedodd Paul Kift, Cyfarwyddwr Sgiliau a Datblygu Busnes Coleg Gŵyr Abertawe: “Rydyn ni’n falch iawn o gynnig y cyrsiau hyn sydd wedi’u cynllunio i uwchsgilio pobl fel y gallant achub y blaen yn y farchnad swyddi.
"Bydd cyrsiau’n cael eu cynnig ledled ein campysau yn ogystal ag yn y gymuned a’u bwriad yw helpu oedolion i ddatblygu eu sgiliau a goresgyn rhwystrau i gyfleoedd cyflogaeth newydd."
Am ragor o wybodaeth am y cyrsiau a restrir neu i gael atebion i unrhyw gwestiynau, cysylltwch â ni:
Cyfeiriad Ebost: Skills4Swansea@gcs.ac.uk neu rhif ffôn: 01792 284400
Mae Sgiliau ar gyfer Abertawe ar gyfer unigolion 19+ sy’n byw neu yn gweithio yn Abertawe.
Ariennir Sgiliau ar gyfer Abertawe gan y Gronfa Ffyniant Gyffredin trwy raglen Ffyniant Bro Llywodraeth y DU.Mae Cronfa Ffyniant Gyffredin y DU yn un o golofnau canolog agenda Ffyniant Bro Llywodraeth y DU a bydd yn darparu £2.6 biliwn o gyllid i'w fuddsoddi'n lleol erbyn mis Mawrth 2025.
