Estheteg Anfeddygol - Lefel 4
Trosolwg
Trwy gydol y cymhwyster hwn, bydd dysgwyr yn datblygu eu gwybodaeth a’u dealltwriaeth o egwyddorion ac arferion perthnasol mewn protocolau gofal croen uwch a diogel ar gyfer detholiad pwrpasol o arferion esthetig. Bydd dysgwyr hefyd yn datblygu’r wybodaeth, y ddealltwriaeth a’r sgiliau sydd eu hangen i ymgynghori â chleientiaid, a rhoi cyngor ôl-ofal a gofal cartref penodol.
- Egwyddorion ac arferion therapïau esthetig anfeddygol
- Ymgynghoriad uwch ar gyfer therapïau esthetig anfeddygol
- Gofal croen uwch ar gyfer therapïau esthetig anfeddygol
- Darparu triniaethau pilio croen
- Darparu triniaethau nodwyddo croen
- Gwella pryd a gwedd gan ddefnyddio technegau dermaplanio.
Gwybodaeth allweddol
Anelir y cymhwyster hwn at ymarferwyr cymwysedig Lefel 3 sydd am ychwanegu amrywiaeth o driniaethau esthetig. Rhaid bod gan ddysgwyr gymhwyster therapi harddwch rheoleiddiedig Lefel 3 sy’n cynnwys therapi trydanol i’r wyneb, a dangos gwybodaeth a dealltwriaeth dda o anatomeg a ffisioleg.
Arholiadau theori ac ymarferol ar y diwedd ac aseiniadau ysgrifenedig.
Bydd disgwyl i fyfyrwyr astudio gartref, gan gynnwys gwaith cwrs ysgrifenedig ac ymarferol.
Prif bwrpas y cymhwyster hwn yw paratoi dysgwyr ar gyfer cyflogaeth yn y diwydiant esthetig anfeddygol uwch gan ddarparu technegau nodwyddo croen, pilio croen a dermaplanio. Yn ogystal, gall dysgwyr ddewis datblygu eu gwybodaeth a’u sgiliau ymhellach trwy gwblhau cymwysterau arbenigol atodol ar Lefel 4 mewn un neu fwy o’r meysydd canlynol:
- Amledd radio
- Uwchsain.
Ffioedd y Cwrs: £650
Yn ogystal, rhaid i ddysgwyr brynu iwnifform fel rhan o’u cwrs.
Byddwn yn cadarnhau costau yn ystod y cyfweliad.