Arferion Rheolaeth ac Arweinyddiaeth Strategol (CMI) Lefel 7 - Cymwysterau
Trosolwg
Bwriedir y cwrs Arferion Rheolaeth ac Arweinyddiaeth Strategol ar gyfer y rhai sydd am ddatblygu arferion rheolaeth ac arweinyddiaeth strategol, ac sydd â’r wybodaeth, y sgiliau a’r ymddygiadau i lywio gweithgareddau busnes mewn rôl rheolaeth ac arweinyddiaeth uwch, ranbarthol, arbenigol, cyfarwyddwr neu brif swyddog gweithredol.
Mae’r cymhwyster ar gael fel Dyfarniad cryno, Tystysgrif ehangach neu fel Diploma cynhwysfawr.
Gwybodaeth allweddol
Mae’r cymhwysyter yn cynnwys amrywiaeth o unedau, sy’n adlewyrchu’r tasgau a’r gweithgareddau a ofynnir gan reolwyr mewn rolau megis uwch reolwyr, rheolwyr rhanbarthol, yn ogystal â rheolwyr arbenigol sy’n atebol i uwch reolwr neu berchennog busnes.
Bydd dysgwyr yn cael tiwtor/aseswr penodedig, a fydd yn gweithio’n agos gyda nhw a’r cyflogwr i sicrhau bod y lefel a’r unedau a ddewisir yn addas ar gyfer eu rôl unigol a blaenoriaethau’r sefydliad. Gall yr addysgu fod o bell neu gall y tiwtor/aseswr gwrdd â’r dysgwr bob 4-6 wythnos mewn lleoliad sy’n gyfleus i’r dysgwr a’r aseswr.
Ar ôl cwblhau’r cwrs yn llwyddiannus, byddai CMI yn argymell y cymhwyster canlynol:
- Dulliau Strategol ar gyfer Iechyd Meddwl a Lles
Bydd dysgwyr yn cael mynediad at Management Direct, llyfrgell ar-lein gynhwysfawr am ddim gyda’r adnoddau diweddaraf sy’n rhoi sylw i arferion rheoli cyfredol, yn cefnogi astudio ac yn cynorthwyo’r rhai sydd am ddatblygu eu sgiliau.