Gradd Sylfaen mewn Addysg, Dysgu a Datblygu
Trosolwg
Cwrs breiniol o Brifysgol De Cymru.
Gallai'r cwrs hwn gael ei ailddilysu.
Hyd: Tair blynedd
Mae’r Radd Sylfaen hon mewn Addysg, Dysgu a Datblygu yn rhoi cyfle i chi ennill gradd sy’n cyfuno gweithgareddau yn y gwaith ac astudio academaidd. Fe’i cynlluniwyd i’w gwblhau mewn tair blynedd. Mae’n cynnwys cyfran fawr o ddysgu seiliedig ar waith, dysgu yn y swydd, gan ganolbwyntio ar eich profiad a’ch rôl gwaith.
Diweddarwyd Rhagfyr 2022
Gwybodaeth allweddol
Dylech feddu ar gymhwyster Lefel 3 cysylltiedig a sgiliau llythrennedd a rhifedd da, yn ddelfrydol gyda gradd C neu gyfwerth ar lefel TGAU mewn Saesneg a mathemateg.
Rhaid i bob ymgeisydd fod mewn swydd fel gweithiwr cymorth yn ystod y cwrs a chael o leiaf 12 awr o gymorth uniongyrchol gyda dysgwyr yr wythnos.
Mae hwn yn gwrs rhan-amser tair blynedd sy’n rhedeg yn ystod y flwyddyn academaidd Medi i Fehefin ac mae presenoldeb am dair awr dros ddwy noson yr wythnos (naill ai 5pm i 8pm neu 6pm i 9pm).
Ym Mlwyddyn Un y modiwlau yw (80 credyd):
- Sgiliau Academaidd ac Ymarfer Myfyriol (20 credyd)
- Dysgu a Gwybyddiaeth (20 credyd)
- Llythrennedd Iaith, Rhifedd a Llythrennedd Digidol (40 credyd)
Ym Mlwyddyn Dau y modiwlau yw (80 credyd):
- Cyflwyniad i Anghenion Dysgu Ychwanegol (20 credyd)
- Lles Iechyd a Gwydnwch (20 credyd)
- Ymarfer Cynhwysol (20 credyd)
- Cwricwla (20 credyd)
Ym Mlwyddyn Tri y modiwlau yw (80 credyd):
- Prosiect Ymchwil (40 credyd)
- Ymarfer Myfyriol (20 credyd)
- Iechyd Meddwl Plant a’r Glasoed (20 credyd)
Mae’r asesiad yn seiliedig ar aseiniadau ysgrifenedig, asesiadau ymarferol ac arfer a arsylwyd yn yr ystafell ddosbarth.
Bydd y rhai sy’n cwblhau’r Radd Sylfaen yn gallu mynd ymlaen i gwrs BA (Anrh), er enghraifft, BA (Anrh) mewn Addysg, Dysgu a Datblygu ym Mhrifysgol De Cymru neu BA (Anrh) mewn Addysg Gynhwysol ym Mhrifysgol Cymru y Drindod Dewi Sant.
Achrediad Dysgu Blaenorol
Mae’n bosibl y bydd y myfyriwr yn gallu ennill cydnabyddiaeth am ddysgu blaenorol. Cysylltwch i gael cyngor os teimlwch y gallai hyn fod yn bethnasol. Mae rhagor o wybodaeth ar gael yn: https://celt.southwales.ac.uk/recognition-prior-learning/
Y ffioedd cyfredol yw £2,880 y flwyddyn - mae hyn yn uwch na’r uchafswm cymorth ffioedd dysgu sef £2,625
Bydd rhaid i fyfyrwyr dalu'r gwahaniaeth o £255 os oes ganddynt fenthyciad ffioedd dysgu.
I gael gwybodaeth am gymorth ariannol, gan gynnwys benthyciadau a grantiau ffioedd dysgu, ewch i www.studentfinancewales.co.ukMae’n bosibl y bydd costau ychwanegol cysylltiedig â’r cwrs hwn, h.y.:
- teithio i ac o’r Coleg, neu’r lleoliad
- costau llungopïo, deunydd ysgrifennu ac offer (e.e. ffyn USB)
- argraffu a rhwymo
- gynau ar gyfer seremonïau graddio
- £38 tuag at wiriad DBS sy’n ofynnol ar gyfer y cwrs
*Sylwch fod y ffioedd dysgu a nodir ar gyfer blwyddyn academaidd 2023-24 a gallent gynyddu ar gyfer blynyddoedd astudio yn y dyfodol. Ewch i wefan y brifysgol i gael rhagor o wybodaeth.