Mowldio a Chastio Amlgyfrwng (Cyfres yr Haf)

Bydd y cwrs hwn yn eich annog i archwilio ac arbrofi ag amrywiaeth o gyfryngau a phrosesau gwahanol. Byddwch yn profi technegau gwahanol o wneud mowldiau a dysgu theori agweddau technegol. Bydd cyfleoedd i ddatblygu technegau castio amrywiol gyda defnyddiau gwahanol, gan gynnwys: plastr, Modroc, resin, latecs, llenwadau metel, clai, sment a mwy. 

Yn ystod y gweithdai bob dydd, byddwch yn gallu adeiladu portffolio o arteffactau amlgyfrwng. Gellir haenu prosesau er mwyn cyflawni’r prosiect personol o’ch dewis. 

Byddwn yn rhoi sylw i bob agwedd ar iechyd a diogelwch hefyd. Drwy gydol y cwrs,  cewch eich arwain a’ch cyfarwyddo gan diwtor profiadol. Mae hwn yn gwrs delfrydol i ddechreuwyr a hoffai weithio mewn cyfryngau gwahanol a 3D, neu gynyddu’ch sgiliau i gefnogi’ch ymarfer eich hun.