Prentisiaethau – Lloegr
Mae Coleg Gŵyr Abertawe yn un o ddarparwyr prentisiaethau mwyaf blaenllaw Cymru, gyda chefndir cryf mewn addysg oedolion ar ôl gweithio gyda miloedd o brentisiaid a chyflogwyr yng Nghymru a Lloegr.
Rydym ar y Gofrestr o Ddarparwyr Hyfforddiant Cymeradwy (RoATP) i ddarparu prentisiaethau i sefydliadau sy’n talu ardoll yn Lloegr. Mae ein cyfraddau cyflawni cymwysterau ar gyfer 18/19 (y data dilys diweddaraf sydd ar gael) yn rhagorol, sef 94.6% gyda 81.4% yn gyflawniad amserol.
Mae’r Coleg yn enwog am ei ddull cadarnhaol a rhagweithiol o weithio gyda chyflogwyr. Yn 2024, dyfarnwyd y wobr Ehangu Cyfranogiad i ni yng ‘Ngwobrau Beacon’ Cymdeithas y Colegau 2023/24, ar ôl i ni ennill teitlau Darparwr y Flwyddyn Prentisiaeth Gwasanaethau Gofal, a Phencampwr Prentisiaeth Anghenion Arbennig ac Anabledd (SEND) yn 2022 yn flaenorol. Rhoddwyd y wobr i ni fel cydnabyddiaeth o’n menter ‘Prentisiaethau i Bawb’, a gynyddodd yn sylweddol niferoedd recriwtio a chyfraddau cyflawniad prentisiaid ag anabledd, anghenion dysgu ychwanegol, neu gyflwr iechyd meddwl neu gorfforol.
Ar gyfer blwyddyn academaidd 2024/25, ni fydd Coleg Gŵyr Abertawe yn is-gontractio i unrhyw ddarparwyr eraill (Lloegr yn unig).
Cafodd Polisi Ffioedd a Thaliadau Is-gontractio DSW 2024/25 ei gymeradwyo yng nghyfarfod Bwrdd Corfforaeth y Corff Llywodraethu ar 27 Mehefin 2024.
Llwybrau prentisiaeth
Rydym yn arbenigo mewn pedwar maes allweddol yn Lloegr; Rheoli Cyfleusterau, Gwella Parhaus, Arweinyddiaeth a Rheolaeth, ac Electroneg.
Rheoli Cyfleusterau
Un o’r ychydig iawn o gymwysterau a gydnabyddir yn y DU o fewn y diwydiant hwn, byddwch chi a’ch gweithlu yn ennill sgiliau datrys problemau effeithlon a dealltwriaeth drylwyr o’r sector er mwyn sicrhau arbedion lle bo’n bosibl ym maes cynnal a chadw adeiladau.
Mae’r meysydd yn cynnwys iechyd a diogelwch, argyfyngau, rheoli ynni a gwastraff, gwarchodaeth amgylcheddol a diogelwch eiddo.
Gwella Parhaus
Nod y llwybr hwn yw gweithredu diwylliant o wella parhaus o fewn sefydliad, lle bydd cynhyrchedd a pherfformiad yn cael eu heffeithio mewn modd cadarnhaol. Byddwch chi a’ch gweithlu yn dysgu i weithredu arferion a all gynyddu elw trwy ddileu gwastraff, gwella llif gwaith yn ogystal â lleihau costau ac amrywiad.
Mae’r meysydd yn cynnwys dileu gwastraff, gweithdrefnau amgylcheddol, rheoli ansawdd, cyfathrebu a datrys problemau.
Arweinyddiaeth a Rheolaeth
Mae Arweinyddiaeth a Rheolaeth yn canolbwyntio ar uwchsgilio’ch hun a/neu wella sgiliau arweinyddiaeth a rheolaeth eich gweithlu i lenwi swyddi rheoli allweddol o fewn eich sefydliad. Bydd y llwybrau yn helpu i gryfhau a chadw eich gweithlu, wrth gyflawni amcanion gweithredol a strategol.
Mae meysydd y rhaglenni yn cynnwys rheoli prosiect, rhoi cynlluniau ar waith, arweinyddiaeth tîm, rheoli cyllid a thalent.
Electroneg
Prentisiaeth bwrpasol 100% a ddatblygwyd i weddu i safonau a gofynion y diwydiant. Yn wreiddiol, datblygwyd y cymhwyster gan diwtoriaid Coleg Gŵyr Abertawe â phrofiad helaeth o ddiwydiant ynghyd â sefydliadau blaenllaw megis Sony ac Amazon.
Mae’r meysydd yn cynnwys roboteg, mathemateg, egwyddorion trydanol, peirianneg yn ogystal ag iechyd a diogelwch.
Straeon cyflogwyr
Rydym yn gweithio gydag ystod eang o gyflogwyr mawr a bach mewn amrywiaeth o wahanol ddiwydiannau a sectorau.
Clywch beth sydd gan rai o'n cyflogwyr partner i'w ddweud!
Cliciwch y botwm ar ochr dde uchaf y fideo i weld mwy.
Anrhydeddau
Anrhydeddau
Yn ddiweddar, enillodd Coleg Gŵyr Abertawe wobr Ehangu Cyfranogiad yng ‘Ngwobrau Beacon’ Cymdeithas y Colegau 2023/24. Mae’r cyflawniad hwn yn adlewyrchiad o fenter ‘Prentisiaethau i Bawb’ llwyddiannus y Coleg a’i effaith gadarnhaol ar gynyddu niferoedd recriwtio a chyfraddau cyflawniad prentisiaid ag anableddau, anghenion dysgu ychwanegol, cyflyrau iechyd corfforol neu feddwl.
Yn 2022/23, fe enillodd Coleg Gŵyr Abertawe Wobr Beacon ar gyfer Rhyngwladoldeb, o ganlyniad i’r amrywiaeth eang o fentrau a gynigir i ddatblygu ein dysgwyr, staff, cyflogwyr a chymunedau.
Hefyd yn 2022 fe enillodd y Coleg ddwy wobr yng Nghynhadledd Prentisiaethau Flynyddol y DU:
- Darparwr Prentisiaeth Iechyd a Gofal y Flwyddyn 2022
- Hyrwyddwr SEND y Flwyddyn (Darparwr) 2022
Ddwy flynedd yn ôl, fe wnaeth Rachel Jones, Cyfarwyddwr Dysgu Seiliedig ar Waith Coleg Gŵyr Abertawe ennill Gwobr Sefydliad y Cyfarwyddwyr Cymru (categori Sgiliau).
Enillodd y Coleg wobr Times Educational Supplement AU (TES) yn 2021 ar gyfer Rhaglen Brentisiaeth y flwyddyn.
Cawsom ein coroni hefyd yn enillwyr mewn dau gategori yng Ngwobrau AAC Blynyddol y DU yn 2021.
- Darparwr Prentisiaeth Digidol y Flwyddyn 2021
- Darparwr Prentisiaeth Peirianneg a Gweithgynhyrchu y Flwyddyn 2021
Yn ogystal, fe wnaethom ennill dwy wobr yng Ngwobrau AAC DU yn 2019
- Darparwr Prentisiaethau Iechyd a Gwyddoniaeth y Flwyddyn 2019.
- Cyfraniad Rhagorol i Ddatblygiad Prentisiaethau, Steve Williams 2019.
Gwobrau Prentisiaethau
Cynhaliwyd Gwobrau Prentisiaethau eleni ar ddydd Llun 5 Chwefror 2024.
Manteision prentisiaethau
Bydd darpar brentisiaid yn elwa mewn nifer o ffyrdd gwahanol drwy astudio prentisiaeth gyda’r Coleg, gan gynnwys:
- Ennill profiad ymarferol yn y byd go iawn
- Ennill cyflog wrth ymgymryd ag astudiaethau a hyfforddiant
- Cymorth gan diwtoriaid/aseswyr sydd â phrofiad helaeth o fewn y diwydiant
- Ennill cymhwyster a gydnabyddir gan y diwydiant
- Mynediad i'n gwasanaethau llyfrgell, yn ogystal â Smart Assessor
- Mynediad i Ganolfan Chwaraeon Coleg Gŵyr Abertawe, yn ogystal ag aelodaeth am bris gostyngol
- Prisiau gostyngol ar gyfer gwasanaethau a gynigir gan ein Canolfan Gwallt, Harddwch a Holistig (Broadway)
- Cymhwysedd i wneud cais am gerdyn myfyriwr prentisiaid NUS
- Mynediad at adnoddau dysgu Moodle a Canvas
Buddion i gyflogwyr
Trwy weithio gyda Choleg Gŵyr Abertawe, bydd cyflogwyr yn elwa o:
- Well gynhyrchiant gweithwyr
- Gwell perfformiad ac ysbryd tîm
- Gwell sgiliau mewnol o fewn y cwmni
- Mynediad at lwybrau cyllid a grantiau
- Costau hyfforddi a recriwtio is
- Y gallu i lenwi bylchau mewn sgiliau trwy recriwtio staff newydd neu uwchsgilio staff presennol
Cwestiynau Cyffredin
Cyfle i ddysgwyr ennill hyfforddiant ymarferol yn y byd go iawn wrth sicrhau cymhwyster cydnabyddedig.
Fel prentis, byddwch yn ennill cyflog wrth ddysgu, gan feithrin y wybodaeth, y sgiliau a’r profiad y mae cyflogwyr yn chwilio amdanynt.
Dim o gwbl. Gall weithwyr proffesiynol profiadol ddefnyddio prentisiaethau i uwchsgilio a datblygu eu gyrfa. Rhaid i chi fod yn gyflogedig am o leiaf 16 awr yr wythnos yng Nghrymu.
Bydd hyd pob prentisiaeth yn amrywio yn dibynnu ar lefel y cymhwyster. Ond fel arfer, bydd prentisiaeth yn cymryd 12-24 mis i’w gwblhau.
Byddant yn dechrau unrhyw bryd yn ystod y flwyddyn, ond, efallai bydd rhai cyrsiau yn dechrau ym mis Medi, yn unol â’r flwyddyn academaidd.
Ymgeisio am Brentisiaeth
Gallwch nawr wneud cais i astudio prentisiaeth. Os oes gennych unrhyw gwestiynau am brentisiaethau, cysylltwch â ni: training@gcs.ac.uk - 01792 284400