e-Chwaraeon Lefel 3 - Digwyddiadau a'r Cyfryngau

Ar y cwrs e-chwaraeon hwn, bydd myfyrwyr yn dysgu hanfodion e-chwaraeon trwy amrywiaeth o brosiectau gwahanol. Bydd myfyrwyr yn gyfrifol am greu portffolio o waith i arddangos eu sgiliau ar draws unedau gwahanol.

Bydd unedau ar y cwrs e-chwaraeon yn cynnwys Dylunio Gemau, Digwyddiadau e-Chwaraeon, Darlledu Ffrydiau Byw, Cyfryngau Cymdeithasol, Brandio, Hyfforddiant e-Chwaraeon, Marchnata Digidol a mwy. Bydd yr unedau hyn yn rhoi modd i fyfyrwyr ddatblygu eu sgiliau a hyrwyddo eu hunain yn y diwydiant e-chwaraeon. Byddan nhw’n gallu defnyddio’r gwaith a grëwyd ganddynt i hyrwyddo eu sgiliau i gyflogwyr posibl.

Bydd myfyrwyr ar y cwrs e-chwaraeon yn gadael â chymhwyster sy’n gallu arwain at gyrsiau prifysgol mewn e-Chwaraeon, Marchnata, Marchnata Digidol, Brandio, Rheoli Digwyddiadau a mwy.

Amcanion y cwrs

• Ennill dealltwriaeth eang o e-chwaraeon a gallu astudio meysydd dethol yn fwy manwl
• Datblygu sgiliau, gwybodaeth a dealltwriaeth o e-chwaraeon 
• Dysgu sut i osod, dylunio a brandio timau, logos, nwyddau ac ati 
• Datblygu a chreu platfformau’r cyfryngau cymdeithasol, fel eich sianeli YouTube a Twitch eich hun
• Cael cyfle i gymhwyso dysgu mewn ffordd ymarferol a realistig
• Dilyn rhaglen astudio sy’n galluogi dilyniant i addysg uwch a chyflogaeth mewn TGCh, busnes a marchnata
• Magu hyder trwy ddatblygu sgiliau dysgu annibynnol
• Cymryd rhan mewn digwyddiadau e-chwaraeon fel e-Chwaraeon Prydain, Insomnia ac ati.
   

Deilliannau'r cwrs

• Bydd gan fyfyrwyr wybodaeth o amrywiaeth o agweddau yn y diwydiant e-chwaraeon
• Gallai’r cwrs hwn arwain at yrfaoedd mewn marchnata, ffrydio, busnes, marchnata digidol, rheoli digwyddiadau, cymorth technegol, chwaraewr proffesiynol, sylwebydd e-chwaraeon a llawer mwy.