Moeseg a Sgiliau Proffesiynol - ACCA
Ffôn: 01792 284097 E-bost: accountancy@gcs.ac.uk
Trosolwg
Mae ein cyrsiau mewn cyfrifeg broffesiynol wedi’u hachredu gan yr ACCA ac rydym yn Bartner Dysgu Cymeradwy Platinwm. Ar hyn o bryd ni yw’r unig Ganolfan Addysg Bellach yn y DU i gynnal y lefel hon o hyfforddiant. Nod y cyrsiau yw darparu’r wybodaeth, y sgiliau a’r gwerthoedd proffesiynol a fydd yn datblygu gweithwyr proffesiynol cyfrifeg i adeiladu gyrfaoedd llwyddiannus; p’un a ydynt yn gweithio yn y sector cyhoeddus neu breifat, yn ymarfer mewn sefydliad cyfrifyddu neu’n dilyn gyrfa mewn busnes.
Gwybodaeth allweddol
Cwblhau AAT Cyfrifeg Lefel 4 neu eithriadau gradd neu gwblhau modiwlau ACCA F1 i F9.
Ar agor i fyfyrwyr o bob oedran.
Addysgir y cwrs gan aelodau o staff cymwysedig a phrofiadol iawn ac mae’n seiliedig ar ddarlithoedd ystafell ddosbarth. Gellir sefyll yr arholiad unrhyw bryd gartref neu ym Mhlas Sgeti fel rhan o’r cwrs. Asesir trwy arholiad allanol.
Bydd myfyrwyr yn gallu astudio a symud ymlaen i bapurau eraill ACCA SBL, SBR, ynghyd â phynciau dewisol.
Yn ogystal â bod yn un o’r tri gofyniad allweddol tuag at aelodaeth ACCA, nod y modiwl Moeseg a Sgiliau Proffesiynol newydd yw cynyddu eich cyflogadwyedd trwy eich cyflwyno i sefyllfaoedd busnes realistig a datblygu’r sbectrwm llawn o sgiliau moesegol a phroffesiynol uwch.
Pris a hyd y modiwl
Codir ffi untro o £60 am y modiwl newydd. Mae’n addysgu amrywiaeth eang o rinweddau proffesiynol sy’n hanfodol i’r gweithle, gan gynnwys sgiliau cyfathrebu, masnachol, arloesi, dadansoddi a gwerthuso a disgwylir iddo gymryd tua 20 awr i’w gwblhau.
Mae hyn yn adlewyrchu ehangder y cynnwys, sy’n datblygu sgiliau sy’n hanfodol i’r cymhwyster a’r proffesiwn ehangach. Nid yw cost gyffredinol y cymhwyster yn cynyddu o ganlyniad i godi tâl am y modiwl.