Galwedigaethau Trywel - Prentisiaeth Gwaith Brics
Prentisiaeth
Lefel 3
Diploma
Llys Jiwbilî
12-24 months
Ffôn:
01792 284400 (Llys Jiwbilî)
E-bost: training@gcs.ac.uk
Trosolwg
Ar y cwrs blwyddyn/dwy flynedd hwn byddwch yn datblygu amrywiaeth o uwch sgiliau gosod brics gan gynnwys gwaith addurnol, atgyweirio a gwaith maen cymhleth.
Byddwch yn ychwanegu at eich gwybodaeth bresennol o’r grefft a byddwch yn gallu gweithio ar dasgau arbenigol.
Byddwch yn ennill yr arbenigedd i weithio’n annibynnol, a byddwch yn gallu ymgymryd â rolau goruchwylio.
Diweddarwyd Tachwedd 2019
Nid yw’r cwrs hwn yn rhedeg ar hyn o bryd .
Gwybodaeth allweddol
Cymhwyster Lefel 2 a chyflogaeth yn y maes.
Unedau gorfodol / unedau dewisol:
- Datblygu a chynnal cysylltiadau gwaith galwedigaethol da yn y gweithle
- Gosod allan adeileddau gwaith maen cymhleth yn y gweithle
- Codi adeileddau gwaith maen cymhleth yn y gweithle
- Atgyweirio a chynnal a chadw adeileddau gwaith maen yn y gweithle
Sgiliau hanfodol:
- Cymhwyso Rhif Lefel 2
- Cyfathrebu Lefel 2
- Hawliau a chyfrifoldebau cyflogaeth
Bydd y cwrs hwn yn rhoi’r sgiliau a’r wybodaeth i chi symud ymlaen i hunangyflogaeth a chyfloedd gyrfa pellach, gan gynnwys rheoli safle neu addysg uwch.
Bydd dysgwyr yn mynychu hyfforddiant un diwrnod yr wythnos i astudio’r Diploma Lefel 3 ar gyfer yr elfennau ymarferol a theori. Mae hyn yn cynnwys profion ymarferol a dewis lluosog. Tra byddwch yn y gwaith bydd rhaid i chi gasglu tystiolaeth o allu ar gyfer eich cymhwyster NVQ. Asesir yr NVQ trwy gasglu tystiolaeth ffotograffig, tystebau gan dystion ac ymweliadau â’r safle gan eich tiwtor/aseswr.
Bydd prentisiaid yn cael mentor hyfforddi a fydd yn ymweld â nhw yn rheolaidd i sicrhau eu bod yn hapus gyda’u cynnydd a’u bod ar y trywydd iawn i gyflawni.
Bydd yn cymryd 12 - 24 mis i gwblhau’r fframwaith prentisiaeth yn dibynnu ar allu a phrofiad blaenorol.