CIH Dyfarniad / Tystysgrif mewn Tai Lefel 3

GCS Training

Lefel 3

CIH

Llys Jiwbilî

6 mis (Dyfarniad) / 9 mis (Tystysgrif)

Ffôn: 01792 284400 (Llys Jiwbilî)

Trosolwg

Bydd ein cymhwyster Tai yn ategu’ch gwybodaeth bresennol gan roi cyfle i chi atgyfnerthu rhai o’r sgiliau a’r wybodaeth sydd eu hangen i gymryd rhan mewn gweithgareddau’n ymwneud â thai. Bydd hefyd yn ehangu eich gwybodaeth a’ch dealltwriaeth ar draws amrywiaeth eang o arferion tai rheng flaen ar lefel weithredol.

Nid yw’r cwrs hwn yn rhedeg ar hyn o bryd .

Gwybodaeth allweddol

Mae’r cymhwyster yn addas i’r rhai sydd eisoes wedi cyflawni cymhwyster CIH Lefel 2, a/neu brofiad o weithio yn y sector tai. Mae hefyd yn addas i weithwyr llinell flaen mewn amrywiaeth o rolau tai a chysylltiedig â thai.

Yn bennaf mae ar gyfer y rhai sydd am gynyddu eu gwybodaeth a’u hymwybyddiaeth o’r amgylchedd tai lle maen nhw’n gweithio.

Bydd y cymhwyster yn cael ei addysgu’n hyblyg i weddu i anghenion y dysgwr a’r cyflogwr. Rydym yn cynnig dull addysgu wyneb yn wyneb ac o bell, neu ddull dysgu cyfunol.

Bydd dysgwyr yn cael hyfforddwr penodedig a fydd yn gweithio’n agos gyda’r dysgwr a’r cyflogwr i sicrhau bod y lefel a’r unedau a ddewisir yn addas i rôl y dysgwr a blaenoriaethau’r sefydliad. Bydd dysgwyr yn mynychu gweithdai hanner diwrnod bob chwe wythnos i ennill yr wybodaeth greiddiol sydd ei hangen ar gyfer pob uned. Bydd y dyddiadau a’r sesiynau’n cael eu cytuno gyda’r dysgwr a’r cyflogwr ar ddechrau’r cymhwyster.

Bydd y dysgu yn cael ei gefnogi yn ystod y gweithdai, ond bydd eich tiwtor hefyd ar gael trwy e-bost neu dros y ffôn i gynnig cyngor a chymorth drwy gydol y cymhwyster.

Asesu

Bydd rhaid i ddysgwyr gwblhau aseiniad ar ddiwedd pob modiwl i arddangos gwybodaeth a chymhwysedd. Bydd asesiadau yn wahanol ar gyfer pob uned, a byddan nhw’n cynnwys gweithgareddau yn y dosbarth ac ar ôl y dosbarth.

Bydd hyn yn hyrwyddo ac yn gwella sgiliau ysgrifennu academaidd, sgiliau TGCh, cydweithrewdu a sgiliau cyflwyno personol drwy gydol y cymhwyster.